Psalms 46
1Atqarıwshılardıń jetekshisine. Qorax áwladınıń jırı2Háy, barlıq xalıqlar, shappatlań!
Shadlıq dawısları menen Qudaydı alǵıslań.
3Quday Taala, Jaratqan Iye qanday aybatlı!
Pútkil dúnyanıń ullı patshası.
4Ol bizlerge boysındırdı xalıqlardı,
Ayaǵımızdıń astına tasladı milletlerdi.
5Ózi súygen Yaqıptıń maqtawlı múlkin,
Ol tańlap, bizlerge múlik qılıp berdi. Selah
6Quday shadlıq dawısları,
Jaratqan Iye kárnay sesleri menen joqarı shıqtı.
7Saz shertip alǵıslań Qudaydı, saz shertip alǵıslań,
Saz shertip alǵıslań Patshamızdı, saz shertip alǵıslań.
8Quday pútkil dúnyanıń patshasıdur,
Saz shertip, násiyat jır aytıń!
9Quday muxaddes taxtına otırıp,
Barlıq milletlerdiń patshası bolar.
10Xalıqlardıń húkimdarları,
Ibrayımnıń Qudayınıń xalqı menen bir jerge jıynalar,
Qudayǵa tiyisli jer júziniń patshaları,
Ol júdá ullıdur.
Copyright information for
KaaIBT22L