Psalms 47
1Qosıq. Qorax áwladınıń jırı2Jaratqan Iye ullıdur!
Qudayımızdıń qalasında, muxaddes tawında,
Ol asa maqtawǵa ılayıqlıdur.
3Biyik hám gózzaldur,
Pútkil jer júziniń quwanıshı Sion tawı,
Muxaddes taw – ullı Patshanıń qalası.
4Quday onıń bekinisi ishinde,
Onıń bekkem qorǵanı bolıp Ózin tanıttı.
5Mine, patshalar jıynalıp,
Birgelikte Sion tawına júris qıldı.
6Biraq qalanı kórip, albırap qaldı,
Qorqınıshqa túsip, qashıp ketti.
7Tolǵaq tutqan hayalday,
Sol jerde olardı titirew bastı.
8Úlken sawda kemelerin qıyratqan shıǵıs samalı sıyaqlı,
Joq ettiń olardı.
9Álemniń Jaratqan Iyesiniń qalasında,
Qudayımızdıń qalasında,
Neni esitken bolsaq, sonı kórdik.
Quday onıń qáwipsizligin máńgi bekkemleydi. Selah
10Quday, Seniń Ibadatxanańda,
Súyispenshiligiń haqqında oylaymız.
11Atıń sıyaqlı, Quday, Saǵan arnalǵan alǵıs-maqtaw da,
Dúnyanıń tórt tárepine jayılǵandur.
Oń qolıń ádillikke tolıdur.
12Seniń húkimińnen quwansın Sion tawı,
Shadlansın Yahuda qalaları!
13Sionnıń dógeregin aylanıp júriń,
Onıń minaraların sanap shıǵıń.
14Keleshektegi áwladıńızǵa aytıp beriw ushın,
Diywallarına dıqqatıńızdı qaratıń,
Qorǵanlarına qarań.
15Bul Quday máńgi-baqıy bizlerdiń Qudayımız boladı,
Bizlerdi ómirimizdiń aqırına deyin jeteleydi.
Copyright information for
KaaIBT22L