Psalms 51
1–2Atqarıwshılardıń jetekshisine. Edomlı Doeg Shauldıń aldına barıp: «Dawıt Aximelextiń úyine kirdi», – dep xabar bergen waqıtta ▼, Dawıttıń aytqan násiyat jırı
3Ne ushın maqtanasań jawızlıǵıń menen, háy, kúshli adam?
Qudaydıń miyrim-shápááti hámme waqıtta meniń menen birge.
4Tiliń menen apat keltirerseń,
Ótkir pákige uqsar tiliń,
Aldawǵa sen sheberseń.
5Sen jaqsılıqtan góre, jawızlıqtı,
Haqıyqattan góre, ótirikti jaqsı kóreseń. Selah
6Zıyan tiygizetuǵın sózlerdi jaqsı kóreseń,
Ótirikshi tildi súyeseń.
7Biraq Quday seni máńgi wayran qıladı,
Seni uslap, shatırıńnan tartıp shıǵaradı,
Tiriler áleminen tamırıń menen qurtadı. Selah
8Haq adamlar bunı kórip, qorqadı,
Ústińnen kúlip, bılay deydi:
9«Qarańlar, bul adam Qudayǵa qorǵanım dep súyenbedi,
Mol baylıǵına úmit bayladı,
Basqalarǵa qırǵın keltirip, kúsheydi».
10Al men Qudaydıń Úyinde jasıl záytún aǵashındayman,
Qudaydıń súyispenshiligine máńgi-baqıy isenemen.
11Isleriń ushın Saǵan máńgi alǵıs aytaman,
Sadıq qullarıńnıń jámiyetinde,
Iygilikli atıńa úmit baylap, kútemen.
Copyright information for
KaaIBT22L