Psalms 55
1Atqarıwshılardıń jetekshisine. «Uzaqtaǵı únsiz kepter» namasına. Filist xalqı Dawıttı Gat qalasında tutıp alǵanda ▼, onıń aytqan jırı2Quday, maǵan rehim et,
Adamlar meni quwdalap atır,
Kúni boyı hújim qılıp, qısqıǵa alıp atır.
3Dushpanlarım kúni boyı izime túsip, meni izlep atır,
Maǵan qarsı shıqqanlar kópdur, ullı Quday!
4Qorqqanımda, Saǵan úmit baylayman.
5Quday, sózińdi maqtayman,
Qudayǵa úmit baylayman, qorqpayman.
Adamzat maǵan ne qıla aladı?
6Kúni boyı jawlarım sózlerimdi burmalaydı,
Olardıń oy-pikirleri maǵan jawızlıq islew.
7Olar til biriktirip, buqqıda jatadı,
Janımdı alıw ushın, hár bir adımımdı ańlıydı.
8Jınayatlarınıń jazasınan qutılıp qala ma olar?
Quday, ǵázebiń menen olardı jerge ur!
9Sergizdan kúnlerim Seniń aldıńda esaplı,
Kóz jaslarımdı ıdısıńa salıp qoy.
Bular kitabıńda jazılǵan emes pe?
10Seni shaqırǵan waqtımda,
Dushpanlarım artqa sheginedi.
Mınanı bilemen: Quday men tárepte.
11Sózin ózim maqtap atırǵan Qudayǵa,
Sózin ózim maqtap atırǵan Jaratqan Iyege,
12Qudayǵa úmit baylayman, qorqpayman,
Adamzat maǵan ne qıla aladı?
13Quday, Saǵan bergen wádelerimdi orınlayman,
Minnetdarshılıq qurbanlıqların Saǵan arnayman.
14Janımdı ólimnen qutqarıp qaldıń,
Ayaqlarımdı súrnigiwden saqladıń,
Sonıń ushın, Quday, Seniń aldıńda,
Ómir nurında júremen.
Copyright information for
KaaIBT22L