Psalms 56
(Zab 107:2-6)
1Atqarıwshılardıń jetekshisine. «Joq etpe» namasına aytıladı. Dawıttıń Shauldan qashıp, úńgirge kirgende ▼ aytqan jırı2Rehim et maǵan, Quday, rehim et maǵan,
Janım Sende panalaydı.
Apat ótip ketkenshe,
Panalayman qanatlarıńnıń sayasında.
3Jalbarınaman Quday Taalaǵa,
Men ushın iygilik qılatuǵın Qudayǵa.
4Kókten maǵan qutqarılıw jiberedi,
Meni quwdalaǵanlarǵa keyis sóz aytadı, Selah
Quday Óz súyispenshiligin hám sadıqlıǵın jiberedi.
5Janım arıslanlar arasında qaldı,
Adam denesin jeytuǵınlardıń arasında jatırman,
Tisleri nayza hám sadaq oǵı,
Tilleri ótkir qılısh.
6Kókten de joqarı ullılana ber, Quday,
Dańqıń pútkil jer júzine jayılsın!
7Dushpanlarım ayaqlarım astına aw tasladı,
Ruwxım túsip ketti.
Jolıma shuqır qazdı,
Ishine olardıń ózleri tústi. Selah
8Júregim Saǵan sadıq, Quday, júregim sadıq,
Seni jırlap, saz shertemen.
9Oyan, háy janım,
Oyan, háy arfa hám lira,
Erte tańdı men oyatayın!
10Xalıqlar arasında Seni alǵıslayman, Iye,
Milletler arasında saz shertip, Saǵan alǵıs aytaman.
11Súyispenshiligiń kóklerge jeter,
Sadıqlıǵıń bultlarǵa ulasar.
12Kókten de joqarı ullılana ber, Quday,
Dańqıń pútkil jer júzine jayılsın!
Copyright information for
KaaIBT22L