Psalms 57
1Atqarıwshılardıń jetekshisine. «Joq etpe» namasına aytıladı. Dawıttıń jırı2Háy, húkimdarlar, shınında da, sizler ádil qarar shıǵarasız ba?
Adam ulların ádalatlıq penen húkim qılasız ba?
3Yaq, sizler júregińizde nahaqlıq dúzesiz,
Zorlıq shashar qollarıńız jer júzinde.
4Jawızlar ele tuwılmasınan aldın joldan adasar,
Anasınıń qarnında-aq adasıp, jalǵan sóyler.
5Olardıń záhári jılannıń záhárindey,
Kobraday qulaqların bekitedi.
6Jılan oynatıwshılardıń dawısın,
Kúshli porxannıń zikirin esitpeydi.
7Quday, olardıń awzındaǵı tislerin sındır,
Arıslanlardıń jaqların sındır, Jaratqan Iye!
8Aǵıp ketetuǵın suwday joq bolsın,
Sadaqların kergende, oqları sınıp ketsin.
9Erip ketken suw ógizindey joq bolsın,
Ana qarnınan túsken túsiktey, olar quyashtı kórmesin.
10Janıp turǵan tiken qazandı qızdırmay turıp,
Olardı sonshelli tez joq qıl.
11Jawızdan ósh alınǵanın kórip, haq adam quwanar,
Ayaqların jawızlardıń qanına juwar.
12Sonda adamlar: «Shınında, haq adamǵa sıylıq bar,
Jer júzinde húkim shıǵarıwshı Quday bar», – deydi.
Copyright information for
KaaIBT22L