Psalms 59
(Zab 107:7-14)
1–2Atqarıwshılardıń jetekshisine. «Kelisim lala gúli» namasına aytıladı. Tálim ushın arnalǵan. Dawıt Aram-Naharayım hám Aram-Soba xalqı menen urısqannan soń, Ioab qaytıp kelip, on eki mıń edomlını Duz oypatlıǵında óltirgende ▼, Dawıttıń aytqan jırı
3Quday, bizlerden bas tarttıń,
Bizlerdiń qorǵanımızdı jarıp óttiń,
Ǵázeplendiń, endi aldınǵı awhalımızǵa bizlerdi qaytar!
4Jerdi silkip, onı jardıń,
Jarıqların dúzet, ol shayqalıp atır.
5Xalqıńa awır jaǵdaylar berdiń,
Tentireklep júrsin, dep bizlerge sharap ishkizdiń.
6Dushpan oqlarınan saqlanıw ushın,
Ózińnen qorqatuǵınlarǵa bayraq kótert. Selah
7Oń qolıń menen jeńis ber, bizlerdi esit,
Óz súygenleriń qutqarılsın!
8Quday Muxaddes mákanında bılay dedi:
«Yoshlanıp, Shexemdi bólemen,
Sukkot oypatlıǵın ólshep beremen.
9Gilad Menikidur, Menashshe de Meniki,
Efrayım duwlıǵam, Yahuda húkimdarlıq hasam.
10Moab juwınatuǵın lágenim,
Edomǵa ayaq kiyimimdi taslayman,
Filist jerinde jeńis dabılın qaǵaman».
11Kim meni qorǵanlı qalaǵa alıp baradı?
Kim maǵan Edomǵa deyin jol kórsetedi?
12Quday, Sen emesseń be?
Biraq Sen bizlerden júz burdıń,
Áskeriy ordamızǵa basshılıq etpey qoydıń.
13Dushpanǵa qarsı gúreste járdem ber,
Adamzattıń járdemi biyhudadur.
14Quday, Seniń járdemiń menen qaharmanlıq kórsetemiz,
Dushpanlarımızdı basqılap taslaysań.
Copyright information for
KaaIBT22L