Psalms 6
1Atqarıwshılardıń jetekshisine. Tarlı saz ásbaplar menen tómengi dawısta aytılatuǵın Dawıttıń jırı2Jaratqan Iye, qáhárlenip, ayıbımdı áshkaralama,
Ǵázebiń menen meni jazalama.
3Rehim et maǵan, Jaratqan Iye, dármanım qalmadı,
Shıpa ber maǵan, Jaratqan Iye, pútkil denem qaltıraydı.
4Janım azap ishinde qaldı,
Jaratqan Iye, qashanǵa deyin bul dawam etedi?
5Jaratqan Iye, maǵan qayırılıp, qutqar janımdı,
Azat qıl súyispenshiligiń haqı.
6Óytkeni óliler arasında hesh kim sıyınbas Saǵan,
Óliler mákanında kim alǵıs aytar Saǵan?
7Ah urıp, gúrsinip, sharshadım,
Túni boyı kóz jasım kól-dárya boladı,
Zar eńirep, tósegim lám boladı.
8Kózlerimniń nurı sóndi qayǵıdan,
Ázzilendi kózlerim dushpanlarım sebepli.
9Jawızlıq islewshiler, mennen awlaq júrińler,
Óytkeni Jaratqan Iye esitti dadımdı,
10Jalbarınıwıma qulaq saldı.
Ol duwamdı qabıl qıladı,
11Barlıq dushpanlarım uyalıp qaladı,
Hámmesin qorqınısh biylep aladı,
Hápzamatta shermende bolıp, qaytıp ketedi.
Copyright information for
KaaIBT22L