Psalms 60
1Atqarıwshılardıń jetekshisine. Tarlı saz ásbaplarında aytılatuǵın Dawıttıń jırı2Quday, esit nalamdı,
Tıńla meniń duwamdı!
3Jerdiń arǵı shetinen Saǵan jalbarınaman,
Júregimdi qáweter bastı.
Shıǵıp bolmas bálent jartasqa alıp shıq meni.
4Sen meniń panam bolıp kiyatırsań,
Dushpanǵa qarsı bekkem qorǵansań.
5Shatırıńda máńgi jasayın,
Qanatlarıń sayasına panalayın. Selah
6Quday, Sen wádelerimdi esittiń,
Maǵan atıńnan qorqatuǵınlarǵa beriletuǵın sıylıqtan berdiń.
7Patshanıń ómirin uzaq qıl,
Ómir jılları áwladtan-áwladqa dawam etsin.
8Qudaydıń aldında ol máńgi taxtında otırsın,
Onı súyispenshiligiń hám sadıqlıǵıń menen qorǵa!
9Sonda saz shertip, Seniń atıńdı máńgi alǵıslayman,
Hár kúni bergen wádemdi orınlayman.
Copyright information for
KaaIBT22L