Psalms 61
1Atqarıwshılardıń jetekshisi Edutun ushın. Dawıttıń jırı2Janım tek ǵana Qudayda tınıshlıq tabar,
Qutqarılıw maǵan Onnan keler.
3Jalǵız Ol meniń qorǵawshı jartasım,
Qutqarılıwım hám qorǵanım,
Men hasla súrnikpeymen.
4Háy, dushpanlar, qıysıq diywalǵa uqsaǵan,
Qulayın dep turǵan qoraday bolǵan maǵan,
Qashanǵa deyin hújim qılasız?
5Sizlerdiń jobańız joqarǵı dárejemnen tómen túsiriw,
Jalǵan sózlerden lázzet alasız,
Awzıńız benen pátiya berip,
Ishińizden nálet aytasız. Selah
6Háy janım, jalǵız Qudaydan tınıshlıq tap,
Meniń úmitim Onıń Ózi.
7Jalǵız Quday meniń qorǵawshı jartasım, qutqarıwshım,
Qorǵanım Oldur, sonıń ushın, súrnikpespen.
8Qutqarılıwım hám abırayım Qudaydan keler,
Qúdiretli jartasım, panam Oldur.
9Háy xalıq, hámme waqıtta Onnan úmit qılıń,
Júregińizdi Oǵan ashıń,
Bizlerdiń panamız Qudaydur. Selah
10Adamzat hesh nárse emes,
Awa, adam balası ótkinshi.
Eger tárezige tartılsa,
Olar hawadan da jeńil.
11Tonawshılıqqa isenip qalma,
Urlanǵan malǵa úmit baylama,
Eger baylıǵıń kóbeyip qalsa, oǵan kewil qoyma.
12Quday bir márte sóyledi,
Bunı eki márte esittim:
Kúsh-qúdiret Qudayda.
13Súyispenshilik te Sende, Iye!
Hár bir adamǵa qılǵan isine jarasa qaytarasań.
Copyright information for
KaaIBT22L