Psalms 62
1Dawıttıń Yahuda shólinde aytqan jırı2Quday, Sen meniń Qudayımsań,
Seni barlıǵım menen izleymen,
Janım Seni ańsaydı,
Kewip, quwrap hám suwsız qalǵan jerde,
Denem Saǵan intizar.
3Muxaddes Ibadatxanańda názer tasladım Saǵan,
Kúsh-qúdiretińdi hám dańqıńdı kórdim.
4Seniń súyispenshiligiń ómirden abzaldur,
Sonıń ushın, tilim Seni alǵıslar.
5Ómirim boyı Saǵan alǵıs aytaman,
Seniń atıń menen qollarımdı joqarı sozaman.
6Maylı jilik jegendey janım toyadı,
Shadlı dawıs penen awzım Saǵan alǵıs-maqtaw aytadı.
7Tósegimde jatqanımda, Seni esleymen,
Túni boyı Seni oylap shıǵaman.
8Sen maǵan járdemshi boldıń,
Qanatlarıńnıń sayasında shadlanıp baqıraman.
9Kewlim Saǵan bekkem baylanǵan,
Oń qolıń meni qollap quwatlaydı.
10Al janımdı alıwdı qálep atırǵanlar,
Jerdiń túbine túsip, joq boladı.
11Olar qılıshtıń soqqısına duwshar bolıp,
Saǵallarǵa jem boladı.
12Patsha bolsa, Qudaydan shadlıq tabadı,
Quday haqı ant etkenler quwanıshın járiyalaydı,
Ótirikshilerdiń awzı jabıladı.
Copyright information for
KaaIBT22L