Psalms 63
1Atqarıwshılardıń jetekshisine. Dawıttıń jırı2Quday, qulaq sal arzıma,
Janımdı dushpan qorqınıshınan qorǵa.
3Napáklerdiń jawız jobasınan,
Jawızlardıń toparınan saqla meni.
4Olar tillerin qılıshtay etip qayrap,
Záhárli sózleri oq sıyaqlı nıshandı gózlegen.
5Olar ayıpsızǵa oq atıw ushın buqqıda jatadı,
Oǵan kútilmegende qorqpastan atadı.
6Bir-biriniń jawız niyetlerin qollap quwatlaydı,
Jasırın duzaq qurıw ushın til biriktiredi,
«Bunı kim kórer edi?» – desedi.
7Olar ádilsizlikti izlep,
«Ájayıp bir joba dúzdik», – dep aytadı.
Adamzattıń ishki dúnyası hám júregi tereń sırdur.
8Biraq Quday olarǵa oq atadı,
Tosattan olar jaraqatlanadı.
9Óz tilleri menen óz basına jetedi,
Awhalın kórgenlerdiń júregi suwlaydı.
10Barlıq adamlardı qorqıw biyleydi,
Olar Qudaydıń islerin járiyalaydı,
Onıń isleri haqqında oylanadı.
11Haq adam Jaratqan Iyede quwanadı,
Onnan pana tabadı,
Barlıq pák júrekliler quwanıshın járiyalaydı.
Copyright information for
KaaIBT22L