Psalms 66
1Atqarıwshılardıń jetekshisine. Tarlı saz ásbaplarında aytıladı. Jır. Qosıq2Quday, bizlerge miyrimli bolıp, jarılqa,
Júzińniń nurı tússin ústimizge. Selah
3Solay etip, jer júzi Seniń jolıńdı,
Barlıq milletler Seniń qutqarıwıńdı bilsin.
4Xalıqlar Saǵan alǵıs aytsın, Quday,
Barlıq xalıqlar Saǵan alǵıs aytsın!
5Milletler quwanıp, shadlanıp baqırsın,
Sen xalıqlardı ádalatlıq penen húkim qılasań,
Jer júzindegi milletlerdi jeteleyseń. Selah
6Quday, xalıqlar Saǵan alǵıs aytsın,
Barlıq xalıqlar Saǵan alǵıs aytsın!
7Jer óz ónimin berdi,
Quday, Qudayımız bizlerdi jarılqasın.
8Quday bizlerdi jarılqasın,
Dúnyanıń tórt tárepindegiler Onnan qorqsın!
Copyright information for
KaaIBT22L