Psalms 7
1Benyamin urıwınan bolǵan Kush sebepli Dawıttıń Jaratqan Iyege aytqan jırı2Sennen pana tabaman, Qudayım Jaratqan Iye!
Izime túskenlerden azat qılıp, qutqar meni.
3Bolmasa, olar meni arıslanday tilkimlep taslaydı,
Maydalap bólekleydi, qutqaratuǵın hesh kim joq.
4Qudayım Jaratqan Iye,
Eger ayıp is qılǵan bolsam,
Birewge nahaqlıq qılǵan bolsam,
5Dostımnıń jaqsılıǵına jamanlıq qaytarsam,
Maǵan sebepsiz hújim qılǵan dushpanıma rehim qılsam ▼
▼ Rehim qılsam – rehim qılıw, qadaǵan etilgen jaǵday názerde tutılǵan bolıwı múmkin. 1Pat 15:1-35 qarań.
,6Onda jawlarım meni izimnen quwıp, uslap alsın,
Janımdı ayaq astı qılıp, tepkilesin,
Abırayımdı jerge ursın. Selah
7Qáhárlenip kóteril, Jaratqan Iye!
Qarsı shıq dushpanlarımnıń ǵázebine!
Oyan, húkim shıǵarǵan Qudayım!
8Xalıqlardı átirapıńa jıyna,
Joqarıdaǵı taxtıńda otırıp,
Olardıń ústinen húkimdarlıq qıl.
9Jaratqan Iye, Sen xalıqlardıń ústinen húkim shıǵarasań,
Jaratqan Iye, ádilligim hám minsizligime góre,
Sen meni aqla.
10Jawızlardıń jawızlıqlarına shek qoy,
Haqlardı qollap quwatla,
Aqıl-oy hám júreklerdi Sen sınaysań,
Haq Quday!
11Quday qalqan sıyaqlı meni qorǵar,
Pák júreklerdi Ol qutqarar.
12Quday ádalatlı qazıdur,
Jawızǵa Ol hár kúni ǵázebin shashar.
13Eger kim de kim táwbe qılmasa,
Quday oǵan qarsı qılıshın qayrar,
Sadaǵın kerip, tayar turar.
14Qıratuǵın qural-jaraǵın alıp,
Otlı oqların tayarlap turar.
15Jaman adamnan jamanlıq shıǵadı,
Jawızlıqqa júkli boladı,
Nátiyjede jalǵandı tuwadı.
16Ol shuqır qazadı,
Biraq qazǵan shuqırına ózi túsedi.
17Onıń jamanlıǵı ózine qaytadı,
Jawızlıǵı óz basına jetedi.
18Ádalatlıǵı ushın Jaratqan Iyeni táriyipleymen,
Saz shertip, Quday Taalanıń atın alǵıslayman.
Copyright information for
KaaIBT22L