Psalms 75
1Atqarıwshılardıń jetekshisine. Tarlı saz ásbaplarında aytılatuǵın Asaftıń jırı. Qosıq2Yahudada Quday belgili,
Izrailda Onıń atı ullı.
3Onıń qonısı Salim ▼
▼ Salim – Erusalimniń eski atı.
qalasında,Jasaytuǵın mákanı Sionda.
4Ol jerde sındırdı otlı oqlardı,
Qalqan, qılısh hám sawash quralların. Selah
5Ańǵa tolı tawlardaǵı arıslan kibi,
Saltanatlı hám qúdiretliseń.
6Qaza tawıp tonalǵan batır jawıngerler,
Máńgi uyqıǵa ketti.
Kúshli jigitlerdiń hesh biri qolın qozǵalta almaydı.
7Yaqıptıń Qudayı, Seniń qorqınıshlı dawısıńnan,
Atlar hám arbakeshler esten tandı.
8Jalǵız Sen aybatlısań,
Kim aldıńda tura aladı ǵázeplengenińde?
9– 10Dúnyadaǵı ezilgenlerdi qutqarayın dep,
Húkim shıǵarıw ushın turdıń, Quday,
Kóklerden húkimińdi járiyalaǵanıńda,
Jer júzi qorqıp, tım-tırıs bolıp qaldı. Selah
11Adamzattıń ǵázebi Seniń dańqıńa aylanar,
Qalǵan ǵázebin Óziń basasań.
12Wáde berińler Qudayıńız Jaratqan Iyege,
Orınlańlar óz wádelerińizdi.
Onıń dógereginde bolǵan barlıǵıńız,
Qorqınıshlı Qudayǵa sıylar alıp keliń.
13Ol húkimdarlardıń ruwxın sóndirer,
Qorqınısh salar jer júzindegi patshalarǵa.
Copyright information for
KaaIBT22L