Psalms 8
1Atqarıwshılardıń jetekshisine. Gat tarlı ásbabında aytılatuǵın Dawıttıń jırı2Jaratqan Iye, bizlerdiń Iyemiz,
Pútkil jer júzinde qanshelli ullı Seniń atıń!
Kókten de joqarı Seniń dańqıń.
3Dushpanlarıńnıń hám jawlarıńnıń
Únin óshiriw ushın,
Náresteler hám emiziwli balalardıń awzınan,
Ózińe maqtawlar aytqızdıń.
4Qollarıń menen dóretken aspanıńa,
Óziń jaylastırǵan ay hám juldızlarǵa qarasam,
Mınaday sorawlar payda bolar oyımda:
5«Sen adam tuwralı oylaǵanday, ol kim bolıptı?
Sen adamzatqa ǵamxorlıq qılǵanday, ol kim bolıptı?»
6Sen onı Qudaydan sál-aq tómenirek qıldıń,
Izzet-húrmet tajın oǵan kiygizdiń.
7Qolıń menen dóretkenlerińniń ústinen onı húkimdar qıldıń,
Hámmesin ayaqlarınıń astına qoydıń:
8Barlıq mayda hám iri mallardı da,
Daladaǵı jabayı haywanlardı da,
9Aspandaǵı quslardı, teńizdegi balıqlardı,
Teńizde júzetuǵın hár túrli maqluqlardı.
10Jaratqan Iye, bizlerdiń Iyemiz,
Pútkil jer júzinde qanshelli ullı Seniń atıń!
Copyright information for
KaaIBT22L