Psalms 80
1Atqarıwshılardıń jetekshisine. Gat tarlı ásbabında aytılatuǵın Asaftıń jırı2Shadlanıp baqırıń kúsh-quwatımız bolǵan Qudayǵa,
Quwanıshlı túrde qıshqırıń Yaqıptıń Qudayına!
3Qosıq aytıń, dáp qaǵıń,
Jaǵımlı dawıslı lira hám arfa shertiń.
4Kárnay shertiń jańa ayda,
Tolıq ayda, bayram kúnimizde.
5Bul Izrail ushın bir qaǵıydadur,
Yaqıptıń Qudayınıń qararıdur.
6Quday Mısırǵa qarsı júris qılǵanda,
Ol bunı Yusup urpaǵına nızam qılıp qoydı.
Men bir tanıs bolmaǵan dawıstı tıńlap turman:
7«Jelkeńizden júkti alıp tasladım,
Qollarıńızdı awır sebetten azat qıldım.
8Basıńızǵa apat túskende, Meni shaqırdıńız,
Sonda sizlerdi qutqarıp aldım,
Gúldirmama arasınan sizlerge juwap berdim,
Meriba suwları janında sizlerdi sınadım ▼. Selah
9Tıńla, xalqım, sizlerge eskertemen:
Izrail, qáne endi, sen Maǵan qulaq salǵanıńda!
10Arańızda basqa quday bolmasın,
Jat qudayǵa tabınbań.
11Seni Mısırdan alıp shıqqan,
Qudayıń Jaratqan Iye – Men bolaman.
Awzıńdı ash, onı toltıraman.
12Biraq xalqım, sen dawısıma qulaq salmadıń,
Izrail, sen Maǵan boysınıwdan bas tarttıń.
13Men de júreklerińizdiń qaysarlıǵınsha qaldırıp,
Jol qoydım óz qálewlerińiz benen júriwińizge.
14Qáne endi xalqım, sen Maǵan qulaq salǵanıńda,
Izrail, sen Meniń jollarım menen júrgenińde!
15Dushpanlarıńızdı dárhal boysındırar edim,
Jawlarıńızǵa qarsı qolımdı kóterer edim!
16Meni jek kóretuǵınlar Mennen aybınar edi,
Olardıń bul awhalı máńgi dawam eter edi.
17Xalqım, sizlerdi eń jaqsı biyday menen azıqlandırar edim,
Jartastaǵı pal menen toydırar edim».
Copyright information for
KaaIBT22L