Psalms 81
1Asaftıń jırıQuday iláhiyler jıyının basqarıp,
Qudaylardıń arasında húkimin járiyalaydı:
2«Qashanǵa deyin, sizler jawızlardıń tárepin alıp,
Nahaq qazılıq etesiz? Selah
3Kámbaǵal hám jetimlerge ádalatlıq kórsetiń,
Ǵárip hám jarlılardıń huqıqın qorǵań.
4Kámbaǵal hám ǵáriplerdi qutqarıń,
Jawızlardıń qolınan olardı azat qılıń.
5Sizler hesh nárseni bilmeysiz, túsinbeysiz,
Qarańǵılıqta júresiz.
Jer júziniń tiykarı lárzege keledi.
6„Sizler qudaylarsız,
Hámmeńiz – Quday Taalanıń ullarısız“, – dedim.
7Biraq sizler insan sıyaqlı ólesiz,
Hár qanday húkimdar sıyaqlı qulaysız!»
8Tur, Quday, qazılıq et jer júzine,
Barlıq xalıqlar Saǵan tiyislidur.
Copyright information for
KaaIBT22L