Psalms 89
1Qudaydıń adamı bolǵan Muwsanıń duwası2Iye, áwladtan-áwladqa,
Bizlerdiń pana jerimiz boldıń.
3Tawlar payda bolmasınan aldın,
Jer júzi hám dúnyanı bar qılmasıńnan aldın,
Ázelden máńgige Sen – Qudaysań.
4Adamzattı topıraqqa qaytarasań,
«Adam ulları, topıraqqa qaytıń», – deyseń.
5Seniń názerińde mıń jıl ótken bir kún sıyaqlı,
Ótetuǵın túngi bir náwbetshilik yańlı.
6Adamlardı tasqın suw sıyaqlı ıǵızıp keteseń,
Olar tańda umıt bolatuǵın tús sıyaqlı,
Azanda gúllep, ósetuǵın,
Al keshte solıp qalatuǵın shóp kibi.
7Joq bolıp ketemiz ǵázebińnen,
Qorqınıshqa túsemiz Seniń qáhárińnen.
8Sen ayıplarımızdı Ózińniń aldıńa,
Jasırın gúnalarımızdı júzińniń nurı aldına qoydıń.
9Kúnlerimiz ǵázebiń astında óter,
Jıllarımız bir dem yańlı tawısılar.
10Ómirimiz jetpis jıl eken,
Eger kúshli bolsaq, seksen jıl bolar.
Ájayıp jıllarımız da mashqala hám qıyınshılıqta ótti,
Ómirimiz tez óter, ushıp ketermiz.
11Kim bile alar Seniń ǵázebińniń kúshin?
Adamlar qorqqanday, ol sonday kúshli!
12Dana júrekke iye bolıwımız ushın,
Ómirimizdiń kúnlerin sanawdı úyret.
13Bizlerge qayt, Jaratqan Iye!
Qashanǵa deyin bul dawam etedi?
Qullarıńa rehim qıl!
14Tańda bizlerdi súyispenshiligiń menen toydır,
Ómir boyı quwanıp, shadlanıp baqırayıq.
15Bizlerdi azapqa qaldırǵan kúnlerińniń,
Baxıtsız jasaǵan jıllarımızdıń esesine,
Bizlerdi shadlıqqa bóle.
16Seniń isleriń qullarıńa,
Saltanatıń olardıń balalarına kórinsin.
17Quday Iyemiz, Seniń bizlerge miyrimiń tússin,
Qol miynetimizdi tabıslı qıl,
Awa, qol miynetimizdi tabıslı qıl.
Copyright information for
KaaIBT22L