Psalms 96
1Jaratqan Iye patshalıq qılmaqta,Shadlansın jer júzi,
Barlıq atawlar quwansın!
2Bult hám qoyıw qarańǵılıq Onıń dógeregin qaplaǵan,
Ádillik hám haqıyqatlıq taxtınıń tiykarı.
3Ot júrer Onıń aldında,
Átirapındaǵı dushpanların jandırıp jiberedi.
4Shaqmaqları dúnyanı jaqtılandıradı,
Jer júzi onı kórip, titireydi.
5Jaratqan Iyeniń aldında,
Pútkil jer júziniń Iyesiniń aldında,
Tawlar mumday erip ketedi.
6Kókler Onıń ádalatlıǵın járiyalaydı,
Pútkil xalıqlar ullılıǵın kóredi.
7Butqa tabınıwshılar,
Jalǵan qudayları menen maqtanatuǵınlar shermende bolsın!
Jaratqan Iyege sıyınıń, háy, barlıq qudaylar!
8Jaratqan Iye, húkimlerińdi esitip, Sion quwanadı,
Yahuda qalaları shadlanadı.
9Jer júzindegi eń ullısı Senseń, Jaratqan Iye,
Barlıq qudaylardan ústemseń, ullısań.
10Jaratqan Iyeni súyetuǵınlar,
Jamanlıqtı jek kóriń.
Ol sadıq qullarınıń janın qorǵaydı,
Olardı jawızlardıń qolınan qutqaradı.
11Haq adamlarǵa nur shashılıp,
Pák júrekliler quwanıshqa bólenedi.
12Háy, haq adamlar, Jaratqan Iyede quwanıń,
Onıń muxaddes atın táriyipleń!
Copyright information for
KaaIBT22L