Psalms 97
1JırJaratqan Iyege taza qosıq aytıń,
Ol ájayıp isler qıldı,
Jeńis alıp keldi Onıń oń qolı hám muxaddes bilegi.
2Jaratqan Iye milletlerge Óz jeńisin ayan etti,
Ádalatlıǵın olarǵa kórsetti.
3Izrail xalqına bolǵan súyispenshiligin,
Olarǵa bolǵan sadıqlıǵın esinde saqladı,
Qudayımızdıń jeńisin kórdi dúnyanıń tórt tárepi.
4Pútkil jer júzi shadlanıp baqırıń, Jaratqan Iyege,
Quwanıshlı túrde saz shertip, qosıq aytıń.
5Lira shertip, Jaratqan Iyege alǵıs-maqtaw aytıń,
Lira hám saz hawazları astında!
6Hár túrli kárnaylar shertip,
Bálent dawısta shadlanıń patshamız Jaratqan Iyeniń aldında.
7Shuwlasın teńiz hám onı toltırıp turǵanlar,
Jer júzi hám onda jasaytuǵınlar.
8Dáryalar qol shappatlasın,
Tawlar birgelikte shadlanıp baqırsın,
9Jaratqan Iyeniń aldında!
Ol jer júzin húkim etiw ushın kiyatır.
Ol dúnyanı ádalatlıq penen,
Xalıqlardı teńlik penen húkim etedi.
Copyright information for
KaaIBT22L