Psalms 98
1Jaratqan Iye patshalıq qılmaqta,Titiresin xalıqlar!
Kerublar arasında taxtta otır,
Shayqalsın jer júzi!
2Sionda Jaratqan Iye ullı,
Ol barlıq xalıqlardan da joqarı.
3Olar Seniń ullı hám aybatlı atıńdı alǵıslasın!
Ol muxaddesdur.
4Ádalatlıqtı súyetuǵın qúdiretli Patsha,
Sen ádillikti ornattıń,
Yaqıp urpaǵında ádalatlıq hám ádillik ornattıń.
5Qudayımız Jaratqan Iyeni ullılań,
Onıń ayaq qoyǵıshınıń aldına jıǵılıp, sıyınıń!
Ol muxaddesdur.
6Onıń ruwxaniyleri arasında Muwsa menen Xaron da bar edi,
Samuel de Onıń atın aytıp shaqırǵanlar arasında edi.
Olar Jaratqan Iyege jalbarındı,
Ol da olarǵa juwap berdi.
7Minara sıyaqlı bult ishinen olar menen sóylesti,
Olar Onıń buyrıqlarına,
Ózlerine berilgen qaǵıydalarǵa ámel qıldı.
8Qudayımız Jaratqan Iye, Sen olarǵa juwap berdiń,
Islegen jawızlıqları ushın jazalasań da,
Keshiriwshi Quday boldıń.
9Qudayımız Jaratqan Iyeni ullılań,
Sıyınıń Oǵan muxaddes tawında!
Qudayımız Jaratqan Iye muxaddesdur!
Copyright information for
KaaIBT22L