Rom 10 | KaaIBT22L | STEP | Tuwısqanlarım! Meniń júregimdegi ármanım hám Qudaydan jalbarınatuǵın tilegim – bul xalqım bolǵan izraillılardıń qutqarılıwı.

‏ Romans 10

1 Tuwısqanlarım! Meniń júregimdegi ármanım hám Qudaydan jalbarınatuǵın tilegim – bul xalqım bolǵan izraillılardıń qutqarılıwı. 2 Olardıń Qudayǵa intalı ekenine ózim gúwaman. Biraq, bul inta haqıyqıy túsinikke tiykarlanbaǵan. 3 Sebebi olar Qudaydıń aqlaw jolın túsinbey, aqlanıwǵa Muxaddes Nızamdı orınlaw arqalı erisiwge tırısıp, Qudaydıń aqlaw jolın qabıl etpedi.

4 Masiyx Muxaddes Nızamnıń talapların tolıq orınlaǵanlıqtan, Oǵan isengen hár bir adam Quday aldında aqlanadı.

Isengen hár bir adam qutqarıladı

5 Muxaddes Nızamdı orınlaw arqalı aqlanıw haqqında Muwsa mınalardı jazadı: «Muxaddes Nızamdaǵı buyrıqlardı orınlaǵan adam olar arqalı jasaydı». ^{▼▼ Leb 18:5.} 6 Al isenim arqalı aqlanıw bılay deydi: «Kewlińde: „Masiyxtı jerge túsiriw ushın kim aspanǵa shıǵadı?“ ^{▼▼ Nzm 30:12.} 7 yamasa: „Masiyxtı ólimnen tiriltiw ushın kim tuńǵıyıqqa túsedi?“ ^{▼▼ Nzm 30:13.} – deme». 8 Biraq, Muxaddes Jazıw ne demekte? «Qudaydıń sózi saǵan jaqın. Ol seniń awzıńda hám júregińde». ^{▼▼ Nzm 30:12-14.} Bizler járiyalap atırǵan isenim haqqındaǵı sózler – usılar boladı. 9 Eger sen Iysanı «Iyem» dep awzıń menen ashıq tán alsań hám Qudaydıń Onı ólimnen tiriltkenine shın júrekten isenseń, qutqarılasań. 10 Óytkeni adam shın júrekten isengeni arqalı aqlanadı hám isenimi haqqında awzı menen ashıq tán alǵanı arqalı qutqarıladı. 11 Muxaddes Jazıwda aytılǵanday: «Oǵan isengen hesh bir adam uyatqa qalmaydı». ^{▼▼ Iysh 28:16.} 12 Sebebi yahudiy menen grektiń arasında ayırmashılıq joq. Olardıń hámmesiniń Iyesi bir. Ol Ózin shaqırǵanlardıń hámmesine saqıy. 13 Muxaddes Jazıwda aytılǵanday: «Jaratqan Iyeniń atın aytıp shaqırǵan hár bir adam qutqarıladı». ^{▼▼ Iol 2:32.}

14 Biraq, Qudayǵa isenbey turıp, Onı qalay shaqırıwǵa boladı? Ol tuwralı esitpey turıp, Oǵan qalay iseniwge boladı? Quday haqqında sózdi járiyalawshı bolmasa, qalay esitiwge boladı? 15 Sózdi járiyalawǵa jiberilmese, onı qalay járiyalaydı? Muxaddes Jazıwda aytılǵanday: «Xosh Xabardı járiyalawshılardıń ayaqları qanday ájayıp!» ^{▼▼ Iysh 52:7.}

16 Degen menen, Xosh Xabarǵa izraillılardıń hámmesi de isene bermedi. Iyshaya payǵambardıń aytqanınday: «Iyem! Bizler aytqan xabarǵa kim isendi?» ^{▼▼ Iysh 53:1.} 17 Demek, isenim esitiw arqalı payda boladı, al esitiw Masiyx haqqında sózdiń járiyalanıwı arqalı boladı. 18 Biraq, meniń soraytuǵınım mınaw: izraillılar esitpedi me? Álbette, esitti. «Xabarları hár tárepke tarqaldı,
Sózleri dúnyanıń tórt tárepine jetip bardı». ^{▼▼ Zab 18:5.}

19 Men jáne bir nárseni soramaqshıman: Izrail túsinbedi me? Dáslep Muwsa arqalı Quday bılay degen edi: «Men de xalıq bolmaǵan bir xalıq penen,
Sizlerde qızǵanısh oyataman.
Aqılsız bir xalıq penen, sizlerdiń ǵázebińizge tiyemen». ^{▼▼ Nzm 32:21.}

20 Sońınan Iyshaya payǵambar Qudaydıń sózlerin batırlıq penen aytıp: «Izlemegenler Meni taptı,
Meni soramaǵanlarǵa Ózimdi ayan ettim», ^{▼▼ Iysh 65:1.} – degen edi.

21 Al, Izrail xalqı haqqında Quday bılay deydi: «Sózimdi tıńlamaytuǵın qaysar bir xalıqqa,
Kúni boyı qushaǵımdı ashıp turdım». ^{▼▼ Iysh 65:2.}