Rom 4 | KaaIBT22L | STEP | Al endi bizlerdiń, yaǵnıy yahudiylerdiń túp babası Ibrayım haqqında ne deymiz? Ol nege eristi?

‏ Romans 4

Ibrayımnıń isenimi hám Qudaydıń wádesi

1 Al endi bizlerdiń, yaǵnıy yahudiylerdiń túp babası Ibrayım haqqında ne deymiz? Ol nege eristi? 2 Eger ol islegen sawap isleri sebepli haq dep sanalǵan bolsa, maqtanıwǵa haqısı bolar edi. Biraq, Qudaydıń aldında maqtana almaydı. 3 Óytkeni Muxaddes Jazıwda bılay delingen: «Ibrayım Qudayǵa isendi hám sol sebepten Quday onı haq dep sanadı». ^{▼▼ Jar 15:6.} 4 Miynet etkenge tólengen haqı sıy emes, al is haqı bolıp esaplanadı. 5 Biraq kim de kim óziniń sawap islerine emes, al qudaysız adamdı da aqlaytuǵın Qudayǵa isense, ol isenimi sebepli aqlanǵan bolıp esaplanadı. 6 Minekey, sawap islerine qaramay, Quday tárepinen aqlanǵan dep esaplanǵan adamnıń baxıtlı ekeni haqqında Dawıt ta bılay degen: 7 «Qılmısları keshirilgenler,
Gúnaları alıp taslanǵanlar qanday baxıtlı!
8 Jaratqan Iye gúnasın esapqa almaytuǵın adam qanday baxıtlı!» ^{▼▼ Zab 31:1-2.}

9 Bul baxıt tek súnnetliler ushın berilgen be? Ya bolmasa, súnnetsizler ushın da ma? Bizler: «Ibrayım óz isenimi sebepli haq dep sanaldı», – degen edik. 10 Ol qashan haq dep sanaldı? Súnnetlengennen keyin be yamasa súnnetlenbesten burın ba? Súnnetlengennen keyin emes, al súnnetlenbesten burın. 11 Súnnetlenbesinen burın isenimi menen aqlanǵanınıń belgisi retinde Ibrayım súnnetlew rásimin qabıl etti. Solay etip, ol súnnetsiz bolǵan basqa millet adamlarınıń da aqlanǵan bolıp esaplanıwı ushın, isenetuǵın usınday adamlardıń hámmesiniń ruwxıy babası boldı. 12 Babamız Ibrayım tek súnnet etilgenlerdiń emes, al súnnet etilmesten aldın Ibrayımda bar bolǵan isenimniń jolı menen júretuǵınlardıń da babası boldı.

13 Sebebi Muxaddes Nızamdı orınlaǵanı arqalı emes, al isenimi arqalı aqlanıwı ushın, Quday Ibrayımǵa hám onıń urpaqlarına dúnyanıń miyrasxorları bolatuǵının wáde etti. 14 Eger adamlar Muxaddes Nızamdı orınlawı arqalı miyrasxor bolatuǵın bolsa, onda isenim biykar hám wáde de bos bolar edi. 15 Óytkeni Muxaddes Nızam Qudaydıń ǵázebin keltiredi. Biraq Muxaddes Nızam bolmaǵan jerde nızamdı buzıw da joq.

16 – 17 Usılay etip, Qudaydıń wádesi tek isenim sebepli beriledi. Ol tek Muxaddes Nızamǵa iye bolǵan yahudiy iseniwshilerine ǵana emes, al Ibrayımnıń isenimine iye bolǵan basqa millet iseniwshilerine de, yaǵnıy Ibrayımnıń pútkil urpaǵına Qudaydıń miyrimi boyınsha beriledi. Muxaddes Jazıwda Qudaydıń Ibrayımǵa: «Seni kóp xalıqlardıń babası qılaman», ^{▼▼ Jar 17:5.} – dep aytqanınday, Ibrayım ózi isenetuǵın Qudaydıń, yaǵnıy ólilerdi tiriltetuǵın hám joqtan bar qılatuǵın Qudaydıń aldında hámmemizdiń babamız.

18 Hesh úmiti qalmaǵan waqıtta da Ibrayım úmitin úzbey, Qudayǵa isendi. Sonlıqtan «Seniń urpaǵıń esap-sansız boladı», ^{▼▼ Jar 15:5.} – dep Qudaydıń oǵan aytqanınday, ol kóp xalıqlardıń babası boldı. 19 Jası júzge shamalasıp, denesinde kúsh qalmaǵanın hám hayalı Saranıń da qursaǵına bala pitpeytuǵının ol bilse de, isenimin azaytpadı. 20 Isenimsizlik etip, Qudaydıń wádesi tuwralı ekilenbedi. Kerisinshe, isenimi kúsheyip, Qudaydı alǵısladı. 21 Qudaydıń Óz wádesin orınlaytuǵın kúshke iye ekenine ol tolıq isendi. 22 Áne, usı isenimi sebepli, Ibrayım haq dep sanaldı.

23 «Haq dep sanaldı», – degen sózler tek Ibrayımǵa emes, 24 al bizlerge de tiyisli etip jazılǵan. Bizler de Iyemiz Iysanı ólimnen tiriltken Qudayǵa degen isenimimiz benen aqlanǵan bolıp esaplanamız. 25 Iyemiz Iysa gúnalarımız ushın ólimge tapsırılıp, Qudaydıń aldında bizlerdiń aqlanıwımız ushın qayta tirildi.