1 Samuel 21:10-15
Dawıttıń Gat patshası Axishke barıwı
10Shauldan qashqan Dawıt sol kúni Gat patshası Axishke bardı. 11Axishtiń xızmetshileri: «Bul Izraildıń patshası Dawıt emes pe? Adamlar usı adam haqqında: „Shaul mıńlaǵanın,Al Dawıt on mıńlaǵanın óltirdi“, –
dep ayaq oyınǵa túsip, qosıq aytqan joq pa edi?» – dedi. 12Bul sózler Dawıttı tereń oylandırıp, ol Gat patshası Axishten qattı qorqtı. 13Dawıt olardıń aldında óziniń kelbetin ózgertip, ózin jinli etip kórsetti hám qala dárwazaların tırmalap, silekeyin saqalına aǵızıp júrdi. 14Axish xızmetshilerine: – Bul adamǵa qarańlar, ol naǵız jinli-ǵo. Onı nege maǵan alıp keldińler? 15Ózimizde jinliler azday, onı meniń aldımda jinlilik qılsın dep alıp keldińler me? Bul adamnıń sarayıma keliwi shárt pe edi? – dedi.
Copyright information for
KaaIBT22L