Exo 2:10-15 | KaaIBT22L | STEP | Bala az-maz óskennen keyin, hayal onı faraonnıń qızına alıp keldi. Faraonnıń qızı balanı asırap aldı hám «Onı suwdan shıǵarıp aldım»,

‏ Exodus 2:10-15

10 Bala az-maz óskennen keyin, hayal onı faraonnıń qızına alıp keldi. Faraonnıń qızı balanı asırap aldı hám «Onı suwdan shıǵarıp aldım», – dep, balanıń atın Muwsa ^{▼▼ Muwsa – «shıǵarıp alınǵan» degen mánini beretuǵın sózge uqsaydı.} qoydı.

11 Muwsa erjetkennen soń, bir kúni óz xalqına barıp, olardıń awır jumıs islep atırǵanın kórdi. Sonda óz xalqınan bolǵan bir evreydi bir mısırlınıń urıp atırǵanına kózi túsip ketti. 12 Muwsa átirapına názer taslap, hesh kimniń joq ekenin kórgende, mısırlını óltirip, onı qumǵa kómip jasırdı. 13 Erteńine ol jáne shıqqanda, eki evreydiń tóbelesip atırǵanın kórdi. Sonda Muwsa nahaq bolǵan adamnan:

– Nege tuwısqanıńdı urıp atırsań? – dep soradı. 14 Sol adam Muwsaǵa:

– Kim seni bizlerdiń ústimizden basshı hám qazı qılıp qoydı? Mısırlını óltirgenińdey, meni de óltirmekshimiseń? – dedi.

Sonda Muwsa qorqıp ketip: «Írasında da, bul is áshkara bolıp qalǵan eken-ǵo», – dep oyladı. 15 Bul is haqqında faraon da esitip, Muwsanı óltirmekshi boldı. Biraq Muwsa onnan qashıp, Midyan jerine barıp jasadı.

Bir kúni ol bir qudıqtıń qasında otırǵanda,