Eze 48:9-13 | KaaIBT22L | STEP | Jaratqan Iyege arnalǵan jerdiń uzınlıǵı jigirma bes mıń shıǵanaq, eni jigirma mıń shıǵanaq boladı.

‏ Ezekiel 48:9-13

9 Jaratqan Iyege arnalǵan jerdiń uzınlıǵı jigirma bes mıń shıǵanaq, eni jigirma mıń shıǵanaq ^{▼▼ jigirma mıń shıǵanaq – Áyyemgi grekshe awdarmanıń bir qoljazbasınan (jáne usı baptıń 10-13 ayatlarına hám 45:1-5 ke qarań). Evreyshe qoljazbalarda «on mıń shıǵanaq».} boladı. 10 Muxaddes aymaqtıń ruwxaniylerge tiyisli bóleginiń arqadaǵı uzınlıǵı jigirma bes mıń shıǵanaq, batıstaǵı eni on mıń shıǵanaq, shıǵıstaǵı eni on mıń shıǵanaq, qubladaǵı uzınlıǵı jigirma bes mıń shıǵanaq boladı. Onıń ortasında Jaratqan Iyeniń Muxaddesxanası boladı. 11 Bul úles Sadoq násilinen shıqqan hám ruwxaniylikke tayınlanǵan ruwxaniylerge tiyisli boladı. Olar Meniń talaplarımdı orınladı. Izrail xalqı menen birge lebiyliler de joldan azǵanda, olar Maǵan sadıq qaldı. 12 Muxaddes aymaqtıń júdá muxaddes bólegi ruwxaniylerge tiyisli boladı. Ol jer lebiylilerdiń jerine shegaralas boladı.

13 Ruwxaniylerdiń jeriniń janınan lebiylilerge beriletuǵın jerdiń uzınlıǵı jigirma bes mıń shıǵanaq, eni jigirma mıń shıǵanaq boladı. Bul bólektiń uzınlıǵı barlıǵı bolıp jigirma bes mıń shıǵanaq, eni jigirma mıń shıǵanaq boladı.