Luke 15:3-7
3Sonda Iysa olarǵa mına tımsaldı aytıp berdi: 4– Aytayıq, arańızdaǵı birińizdiń júz qoyı bolıp, birewin joytıp alsa, ol toqsan toǵızın shól dalada qaldırıp, joytılǵan bir qoyın tappaǵansha izlep júrmes pe edi? 5Tawıp alǵannan soń quwanıp ketip, onı iynine kóterip aladı da, 6úyine kelip, dosları menen qońsıların shaqırıp, olarǵa: «Meniń menen birge quwanıńlar, joytılǵan qoyımdı taptım», – deydi. 7Sizlerge aytatuǵınım: sol sıyaqlı, táwbe etiwge hájeti joq toqsan toǵız haq adamnan góre, táwbe etken bir gúnakarǵa aspanda kóbirek quwanadı.
Copyright information for
KaaIBT22L