Luk 21:1-4 | KaaIBT22L | STEP | Iysa názer salıp, Ibadatxananıń sadaqa qutısına Qudayǵa arnalǵan sıyların salıp atırǵan baylardı kórdi.

‏ Luke 21:1-4

Jesir hayaldıń sadaqası

(Mrk 12:41-44)

1 Iysa názer salıp, Ibadatxananıń sadaqa qutısına Qudayǵa arnalǵan sıyların salıp atırǵan baylardı kórdi. 2 Ol bir ǵárip jesir hayaldıń da eki tiyin salǵanın kórip:

3 – Sizlerge haqıyqatın aytaman: bul jarlı jesir hayal hámmeden kóp saldı. 4 Óytkeni bulardıń hámmesi óz baylıqlarınan awısqanın saldı. Al bul hayal jarlı bolsa da, kún kórisine kerekli barlıq aqshasın saldı, – dedi.