Luk 22:63-71 | KaaIBT22L | STEP | Iysanı uslap turǵan adamlar Onı masqaralap ura basladı.

‏ Luke 22:63-71

Iysanı masqaralaw

(Mat 26:59-66; Mrk 14:55-64; Yuxn 18:19-24)

63 Iysanı uslap turǵan adamlar Onı masqaralap ura basladı. 64 Onıń kózlerin baylap, Onnan:

– Wáliylik etip ayt, Seni kim urdı? – dep soradı. 65 Oǵan jáne basqa da kóp jaman sózler ayttı.

Iysa joqarǵı keńes aldında

(Mat 26:59-66; Mrk 14:55-64; Yuxn 18:19-24)

66 Tań atqannan keyin, xalıq aqsaqalları, yaǵnıy bas ruwxaniyler menen diniy muǵallimler jıynalıp másláhátlesti de, Iysanı ózleriniń joqarǵı keńesine apardı. 67 Onnan:

– Bizlerge ayt, Sen Masiyxpısań? – dep soradı.

Iysa olarǵa:

– Men sizlerge aytsam da, isenbeysizler. 68 Sizlerge soraw bersem de, juwap bermeysizler ^{▼▼ Bazı qoljazbalarda «…hám sizler meni jibermeysizler» degen sózler de bar.}. 69 Biraq endigiden bılay, Adam Ulı qúdiretli Qudaydıń oń jaǵında otıradı ^{▼▼ Zab 109:1.}, – dedi.

70 Sonda hámmesi:

– Demek, Sen Qudaydıń Ulımısań? – dep soradı.

Iysa olarǵa:

– Meniń Sol ekenimdi ózlerińiz aytıp tursız, – dep juwap berdi.

71 Sonda olar:

– Bizlerge jáne qanday gúwalıq kerek? Óz awzınan esittik-ǵo, – desti.