Luke 23:44-49
Iysanıń jan tapsırıwı
(Mat 27:45-56; Mrk 15:33-41; Yuxn 19:28-30)
44– 45Túski saat on ekiler shamasında kún jaqtısın túsirmey, saat úshlerge deyin pútkil jerdi qarańǵılıq qaplap turdı. Ibadatxanadaǵı Muxaddesxananıń perdesi ortasınan ekige bólinip, jırtılıp ketti. 46Iysa bálent dawıs penen baqırıp: – Áke! Ruwxımdı qollarıńa tapsıraman ▼, – dedi. Usını aytıp boldı da, jan tapsırdı. 47Bolǵan waqıyalardı kórgen júzbası Qudaydı alǵıslap: – Haqıyqattan da, bul haq adam eken, – dedi. 48Tamashaǵa jıynalǵan pútkil xalıq bolǵan waqıyalardı kórip, júrek-bawırları ezilip, izlerine qayttı. 49Biraq Iysanı bilgenlerdiń hámmesi hám Galiladan Onıń izine erip kelgen hayallar bularǵa uzaqtan qarap turdı.
Copyright information for
KaaIBT22L