Luk 5:27-32 | KaaIBT22L | STEP | Sonnan keyin, Iysa sol jerden shıǵıp, salıq keńsesinde otırǵan Lebiy atlı salıqshını kórdi de, oǵan: – Izime er!

‏ Luke 5:27-32

Iysanıń Lebiydi shaqırıwı

(Mat 9:9-13; Mrk 2:13-17)

27 Sonnan keyin, Iysa sol jerden shıǵıp, salıq keńsesinde otırǵan Lebiy ^{▼▼ Lebiy – Matta dep te tanılǵan. Mat 9:9 qarań.} atlı salıqshını kórdi de, oǵan:

– Izime er! – dedi.

28 Ol ornınan turdı da, hámme nársesin qaldırıp, Iysanıń izine erdi.

29 Lebiy óz úyinde Iysa ushın úlken zıyapat berdi. Olar menen birge kóplegen salıqshılar hám basqa da adamlar dasturxanlas boldı. 30 Pariseyler menen diniy muǵallimler Iysanıń shákirtlerine narazılıq bildirip:

– Sizler nege salıqshılar hám gúnakarlar menen birge iship-jep otırsızlar? – dedi.

31 Iysa olarǵa juwap berip:

– Shıpakerge deni sawlar emes, al awırıwlar mútáj. 32 Men haq adamlardı emes, al gúnakarlardı táwbege shaqırıwǵa keldim, – dedi.