Luk 6:32-36 | KaaIBT22L | STEP | Eger sizler ózlerińizdi súygenlerdi ǵana súyseńler, bul ushın qanday alǵıs alasızlar? Gúnakarlar da ózlerin súygenlerdi súyedi.

‏ Luke 6:32-36

32 Eger sizler ózlerińizdi súygenlerdi ǵana súyseńler, bul ushın qanday alǵıs alasızlar? Gúnakarlar da ózlerin súygenlerdi súyedi. 33 Eger ózlerińizge jaqsılıq islegenlerge ǵana jaqsılıq isleseńler, bul ushın qanday alǵıs alasızlar? Gúnakarlar da usılay isleydi. 34 Eger sizler qaytarıp alıwdan úmit etip, qarız berseńler, bul ushın qanday alǵıs alasızlar? Gúnakarlar da qansha qarız berse, sonsha qaytarıp alıw ushın, gúnakarlarǵa qarız beredi. 35 Biraq sizler dushpanlarıńızdı súyińler. Jaqsılıq qılıp, hesh nárse dámetpey, qarız berińler. Sonda sizler úlken sıylıq alıp, Quday Taalanıń balaları bolasızlar. Óytkeni Ol jaqsılıqtı bilmeytuǵınlarǵa da, jaman adamlarǵa da miyrimli. 36 Solay etip, Ákeńiz miyrim-shápáátli bolǵanı sıyaqlı, sizler de miyrim-shápáátli bolıńlar.