Mar 1:40-45 | KaaIBT22L | STEP | Teri keselligine shalınǵan bir adam Iysaǵa kelip, Onıń aldında dize búkti hám Onnan ótinip: – Eger Sen qáleseń, meni kesellikten tazalay alasań,

‏ Mark 1:40-45

Iysanıń teri keselligine shalınǵan adamǵa shıpa beriwi

(Mat 8:1-4; Luk 5:12-16)

40 Teri keselligine shalınǵan bir adam Iysaǵa kelip, Onıń aldında dize búkti hám Onnan ótinip:

– Eger Sen qáleseń, meni kesellikten tazalay alasań, – dedi.

41 Iysanıń janı ashıp, qolın sozıp, oǵan tiygizdi de:

– Qáleymen, tazalan! – dedi.

42 Sol waqıtta-aq sol adam teri keselliginen qutılıp, tazalandı. 43 Iysa qatań eskertip, onı dárhal jiberdi de:

44 – Abaylı bol, hesh kimge hesh nárse aytıwshı bolma! Biraq ruwxaniyge barıp ózińdi kórset te, teri keselliginen tazalanǵanıńdı adamlarǵa dálillew ushın, Muwsa buyırǵan qurbanlıqtı ber, ^{▼▼ Leb 14:1-32.} – dedi.

45 Biraq ol barıp, bolǵan waqıyanıń hámmesin jar salıp ayta basladı. Sol sebepli, Iysa endi qalaǵa ashıq kire almay qaldı hám qala sırtındaǵı dalańlıqta turdı. Sonda da xalıq Oǵan hár tárepten kele berdi.