Mark 15:42-47
Iysanıń qábirge qoyılıwı
(Mat 27:57-61; Luk 23:50-56; Yuxn 19:38-42)
42Kún kesh boldı. Bul kún tayarlıq kúni, yaǵnıy Shabbat kúninen aldınǵı juma kúni edi. 43Sonda joqarǵı keńestiń húrmetli aǵzası, Qudaydıń Patshalıǵın kútiwshi arimatiyalı Yusup kelip, batıllıq penen Pilattıń aldına kirdi de, Iysanıń denesin soradı. 44Pilat Iysanıń álle qashan ólgenine hayran qalıp, júzbasını shaqırtıp aldı da: – Ólgenine kóp waqıt boldı ma? – dep soradı. 45Júzbasıdan bilip alǵannan soń, ol deneni Yusupke berdi. 46Yusup kepinlik tawar satıp aldı. Ol Iysanıń denesin atanaq aǵashtan túsirip alıp, zıǵır kepinge oradı da, jartasta oyılǵan qábirge qoyıp, qábirdiń awzına bir tastı domalatıp qoydı. 47Magdalalı Máriyam menen Iosestiń anası Máriyam Iysanıń qay jerge qoyılǵanın kórdi.
Copyright information for
KaaIBT22L