Mat 1:1-17 | KaaIBT22L | STEP | Ibrayım hám Dawıttıń urpaǵı Iysa Masiyxtıń shejiresi mınaday:

‏ Matthew 1:1-17

Iysa Masiyxtıń shejiresi

(Luk 3:23-38)

1 Ibrayım hám Dawıttıń urpaǵı Iysa Masiyxtıń ^{▼▼ Masiyx – «Basına may quyılǵan adam» degendi ańlatadı. Quday wáde etken Qutqarıwshı. Sózlikke qarań.} shejiresi mınaday:

2 Ibrayımnan Ísaq tuwıldı. Ísaqtan Yaqıp tuwıldı. Yaqıptan Yahuda hám onıń aǵa-inileri tuwıldı. 3 Yahuda menen Tamaradan Peres hám Zerax tuwıldı. Peresten Xesron tuwıldı. Xesronnan Ram tuwıldı. 4 Ramnan Amminadab tuwıldı. Amminadabtan Naxshon tuwıldı. Naxshonnan Salmon tuwıldı. 5 Salmon menen Raxabtan Boaz tuwıldı. Boaz benen Ruttan Obid tuwıldı. Obidten Ishay tuwıldı. 6 Ishaydan Dawıt patsha tuwıldı.

Dawıt penen burın Uriyanıń jubayı bolǵan hayaldan Sulayman tuwıldı. 7 Sulaymannan Rexabam tuwıldı. Rexabamnan Abiya tuwıldı. Abiyadan Asa tuwıldı. 8 Asadan Ehoshafat tuwıldı. Ehoshafattan Ehoram tuwıldı. Ehoramnan Uzziya tuwıldı. 9 Uzziyadan Iotam tuwıldı. Iotamnan Axaz tuwıldı. Axazdan Xizkiya tuwıldı. 10 Xizkiyadan Menashshe tuwıldı. Menashsheden Amon tuwıldı. Amonnan Ioshiya tuwıldı. 11 Babiloniyaǵa súrgin etilgende, Ioshiyadan Exoniya ^{▼▼Ioshiyadan Exoniya – Bazı qoljazbalarda «Ioshiyadan Ehoyakim, Ehoyakimnen Exoniya».} hám onıń inileri tuwıldı.

12 Babiloniyaǵa súrgin etilgennen keyin, Exoniyadan Shealtiel tuwıldı. Shealtielden Zerubbabel tuwıldı. 13 Zerubbabelden Abihud tuwıldı. Abihudtan Elyakim tuwıldı. Elyakimnen Azor tuwıldı. 14 Azordan Sadoq tuwıldı. Sadoqtan Axim tuwıldı. Aximnen Elihud tuwıldı. 15 Elihudtan Elazar tuwıldı. Elazardan Mattan tuwıldı. Mattannan Yaqıp tuwıldı. 16 Yaqıptan Máriyamnıń kúyewi Yusup tuwıldı. Máriyamnan Masiyx dep atalǵan Iysa tuwıldı.

17 Solay etip, hámmesi bolıp: Ibrayımnan Dawıtqa deyin on tórt urpaq, Dawıttan Babiloniyaǵa súrgin etiliwge deyin on tórt urpaq, Babiloniyaǵa súrgin etilgennen Masiyxqa deyin on tórt urpaq.