Mat 22:34-40 | KaaIBT22L | STEP | Iysanıń saddukeylerdi sóyletpey taslaǵanın esitken pariseyler bir jerge jıynaldı.

‏ Matthew 22:34-40

Eń baslı buyrıq

(Mrk 12:28-34; Luk 10:25-28)

34 Iysanıń saddukeylerdi sóyletpey taslaǵanın esitken pariseyler bir jerge jıynaldı. 35 Olardıń arasınan bir nızam muǵallimi Iysanı sınamaqshı bolıp, 36 Onnan:

– Ustaz! Muxaddes Nızamdaǵı eń baslı buyrıq qaysı? – dep soradı.

37 Iysa oǵan:

– «Qudayıń Jaratqan Iyeni shın júrekten, jan-tániń hám pútkil aqıl-oyıń menen súy» ^{▼▼ Nzm 6:5.}. 38 Bul – birinshi hám eń baslı buyrıq. 39 Ekinshisi de sol sıyaqlı: «Ózińdi súygeniń sıyaqlı, janıńdaǵı adamdı da súy» ^{▼▼ Leb 19:18.}. 40 Pútkil Muxaddes Nızam da, payǵambarlardıń Jazıwları da usı eki buyrıqqa tiykarlanǵan, – dedi.