Matthew 24:23-28
23Sonda eger sizlerge birew: «Qarańlar, Masiyx bul jerde!» yamasa: «Ol ana jerde» dese isenbeńler. 24Óytkeni jalǵan masiyxlar hám jalǵan payǵambarlar payda bolıp, eger múmkin bolsa, tańlap alınǵanlardı da aldaw ushın, ullı káramatlı belgiler hám tań qalarlıq islerdi kórsetedi. 25Dıqqat etińler! Men sizlerge aldın ala aytıp atırman. 26Solay etip, eger sizlerge: «Mine, Ol shólistanda!» dese, shıqpańlar yamasa: «Ol jasırın bólmelerde» dese, isenbeńler. 27Sebebi Adam Ulınıń keliwi shıǵısta payda bolıp, aspan boylap batısqa zuwlap ótken jıldırımday boladı. 28Ólik qay jerde bolsa, quzǵınlar sol jerge jıynaladı.
Copyright information for
KaaIBT22L