Mat 9:14-17 | KaaIBT22L | STEP | Sol waqıtta Yaqıyanıń shákirtleri kelip, Iysadan: – Bizler de, pariseyler de jiyi-jiyi oraza tutamız, al Seniń shákirtleriń nege oraza tutpaydı?

‏ Matthew 9:14-17

Oraza haqqında soraw

(Mrk 2:18-22; Luk 5:33-39)

14 Sol waqıtta Yaqıyanıń shákirtleri kelip, Iysadan:

– Bizler de, pariseyler de jiyi-jiyi oraza tutamız, al Seniń shákirtleriń nege oraza tutpaydı? – dep soradı.

15 Iysa olarǵa:

– Toyǵa kelgenler kúyew olar menen birge bolǵan waqıtta qayǵıra ala ma? Biraq, olardan kúyew tartıp alıp ketiletuǵın kúnler keledi, sonda olar oraza tutadı.

16 Hesh kim eski kiyimge jańa tawardan jamaw jamamaydı. Olay etse, juwǵanda jańa jamaw qısqarıp, eski kiyimnen jırtılıp qaladı hám jırtıq burınǵısınan beter boladı.

17 Jańa sharaptı da hesh kim eski meske quymaydı. Olay etse, mes jarılıp, sharap ta aǵıp ketedi, mes te buzıladı. Jańa sharap jańa meske quyıladı, sonda ekewi de saqlanadı, – dedi.