2 Timothy 2
1ដូច្នេះកូនអើយ! ចូរមានកម្លាំងឡើងដោយសារព្រះគុណដែលមាននៅក្នុងព្រះគ្រិស្ដយេស៊ូ 2ហើយសេចក្ដីទាំងឡាយដែលអ្នកបានឮពីខ្ញុំនៅចំពោះមុខសាក្សីជាច្រើននោះត្រូវប្រគល់ឲ្យមនុស្សស្មោះត្រង់ដែលអាចបង្រៀនអ្នកផ្សេងទៀតបានដែរ។ 3ចូររួមទុក្ខលំបាកក្នុងនាមជាទាហានដ៏ល្អរបស់ព្រះគ្រិស្ដយេស៊ូ។ 4មិនដែលមានអ្នកណាធ្វើទាហានហើយនៅតែជាប់ទាក់ទិននឹងកិច្ចការក្នុងជីវិតទេគឺឲ្យតែពេញចិត្ដមេកំណែនរបស់ខ្លួនប៉ុណ្ណោះ។ 5បើមានអ្នកណាម្នាក់ចូលរួមក្នុងការប្រកួតគេមិនទទួលបានមកុដឡើយលើកលែងតែគេប្រកួតឲ្យត្រូវតាមច្បាប់។ 6កសិករដែលធ្វើការនឿយហត់នោះត្រូវតែទទួលផលបានមុនគេ។ 7ចូរពិចារណាសេចក្ដីដែលខ្ញុំនិយាយចុះដ្បិតព្រះអម្ចាស់នឹងប្រទានឲ្យអ្នកមានការយល់ដឹងក្នុងការទាំងអស់។ 8ចូរនឹកចាំពីព្រះយេស៊ូគ្រិស្តដែលមានព្រះជន្មរស់ពីការសោយទិវង្គតឡើងវិញព្រះអង្គជាពូជពង្សស្ដេចដាវីឌស្របតាមដំណឹងល្អដែលខ្ញុំប្រកាស 9ហើយខ្ញុំបានរងទុក្ខលំបាកដោយព្រោះដំណឹងល្អនេះរហូតដល់ជាប់ចំណងដូចជាមនុស្សមានទោសធ្ងន់ប៉ុន្តែព្រះបន្ទូលរបស់ព្រះជាម្ចាស់មិនបានជាប់ចំណងទេ។ 10ហេតុនេះហើយបានជាខ្ញុំស៊ូទ្រាំគ្រប់បែបយ៉ាងសម្រាប់អស់អ្នកដែលព្រះជាម្ចាស់បានជ្រើសរើសដើម្បីឲ្យពួកគេទទួលបានសេចក្ដីសង្គ្រោះនៅក្នុងព្រះគ្រិស្ដយេស៊ូព្រមជាមួយនឹងសិរីរុងរឿងដ៏នៅអស់កល្បជានិច្ចផង។ 11ពាក្យនេះគួរឲ្យជឿបើយើងបានស្លាប់ជាមួយព្រះអង្គនោះយើងក៏នឹងរស់ជាមួយព្រះអង្គដែរ 12បើយើងស៊ូទ្រាំនោះយើងនឹងសោយរាជ្យជាមួយព្រះអង្គបើយើងមិនទទួលស្គាល់ព្រះអង្គព្រះអង្គក៏មិនទទួលស្គាល់យើងវិញដែរ 13ទោះជាយើងមិនស្មោះត្រង់ក៏ព្រះអង្គនៅតែស្មោះត្រង់ដ្បិតព្រះអង្គមិនអាចបដិសេធខ្លួនឯងបានទេ។ 14ចូររំឭកពួកគេពីសេចក្ដីទាំងនេះហើយដាស់តឿនពួកគេយ៉ាងម៉ឺងម៉ាត់នៅចំពោះព្រះជាម្ចាស់កុំឲ្យឈ្លោះប្រកែកគ្នាអំពីពាក្យដ្បិតគ្មានប្រយោជន៍ឡើយមានតែធ្វើឲ្យពួកអ្នកស្តាប់អន្តរាយប៉ុណ្ណោះ។ 15ចូរខិតខំដើម្បីថ្វាយខ្លួនដល់ព្រះជាម្ចាស់ទុកជាអ្នកខ្ជាប់ខ្ជួនគឺជាអ្នកធ្វើការដែលមិនខ្មាស់អៀនទាំងបង្រៀនព្រះបន្ទូលនៃសេចក្ដីពិតយ៉ាងត្រឹមត្រូវ 16រួចត្រូវចៀសចេញពីពាក្យសំដីខាងលោកិយដែលគ្មានខ្លឹមសារដ្បិតសំដីទាំងនោះធ្វើឲ្យការមិនកោតខ្លាចព្រះជាម្ចាស់កាន់តែច្រើនឡើងថែមទៀត 17ពាក្យសំដីរបស់ពួកគេនឹងស៊ីរូងដូចជាដំបៅមហារីកហើយក្នុងចំណោមអ្នកទាំងនោះមានលោកហ៊ីមេនាសនិងលោកភីលេត 18ពួកគេបានវង្វេងចេញពីសេចក្ដីពិតដោយនិយាយថាការរស់ឡើងវិញបានកើតមានរួចហើយហើយពួកគេក៏បង្វែរអ្នកខ្លះចេញពីជំនឿទៀតផង។ 19ប៉ុន្តែទោះជាយ៉ាងណាក្ដីគ្រឹះដ៏រឹងមាំរបស់ព្រះជាម្ចាស់នៅស្ថិតស្ថេរដរាបដោយមានអក្សរចារឹកដូច្នេះថាព្រះអម្ចាស់ស្គាល់អស់អ្នកដែលជារបស់ព្រះអង្គនិងចូរឲ្យអស់អ្នកដែលហៅព្រះនាមរបស់ព្រះអម្ចាស់ចាកចេញពីសេចក្ដីទុច្ចរិត។ 20នៅក្នុងផ្ទះដ៏ធំមួយមិនមែនមានសុទ្ធតែប្រដាប់ប្រដាធ្វើអំពីមាសឬប្រាក់ប៉ុណ្ណោះទេគឺមានប្រដាប់ប្រដាធ្វើអំពីឈើនិងដីផងដែរប្រដាប់ប្រដាខ្លះសម្រាប់សេចក្ដីថ្លៃថ្នូរហើយខ្លះទៀតសម្រាប់សេចក្ដីអាប់ឱន។ 21ដូច្នេះបើអ្នកណាជម្រះខ្លួនពីសេចក្ដីទាំងនេះអ្នកនោះនឹងត្រលប់ជាប្រដាប់ប្រដាសម្រាប់សេចក្ដីថ្លៃថ្នូរដោយបានញែកជាបរិសុទ្ធហើយមានប្រយោជន៍ដល់ម្ចាស់ជាប្រដាប់ប្រដាដែលរៀបចំជាស្រេចសម្រាប់ការល្អគ្រប់យ៉ាង។ 22ដូច្នេះចូររត់គេចពីសេចក្ដីស្រើបស្រាលរបស់យុវវ័យហើយដេញតាមសេចក្ដីសុចរិតជំនឿសេចក្ដីស្រលាញ់និងសេចក្ដីសុខសាន្តជាមួយពួកអ្នកដែលអំពាវនាវដល់ព្រះអម្ចាស់ដោយចិត្តបរិសុទ្ធចុះ។ 23ចូរចៀសវាងការសួរដេញដោលដ៏ល្ងង់ខ្លៅនិងលេលាដោយដឹងថាសេចក្ដីទាំងនោះបង្កឲ្យមានជម្លោះតែប៉ុណ្ណោះ។ 24បាវបម្រើរបស់ព្រះអម្ចាស់មិនត្រូវឈ្លោះប្រកែកគ្នាទេផ្ទុយទៅវិញត្រូវមានចិត្តសុភាពរាបសារចំពោះមនុស្សទាំងអស់ប៉ិនប្រសប់ក្នុងការបង្រៀនមានចិត្តអត់ធ្មត់ 25និងប្រដៅពួកប្រឆាំងដោយចិត្តសុភាពក្រែងលោព្រះជាម្ចាស់បណ្ដាលឲ្យគេប្រែចិត្តស្គាល់សេចក្ដីពិត 26ហើយភ្ញាក់ខ្លួនចេញផុតពីអន្ទាក់របស់អារក្សសាតាំងដែលវាចាប់គេឲ្យធ្វើតាមបំណងរបស់វា។
Copyright information for
KhmKCB