Matthew 11
ព្រះយេស៊ូនិងលោកយ៉ូហាន
1កាលព្រះយេស៊ូបង្គាប់សិស្សទាំងដប់ពីរចប់ហើយព្រះអង្គក៏យាងចេញពីទីនោះទៅបង្រៀននិងប្រកាសនៅក្នុងក្រុងនានារបស់ពួកគេ។ 2ឯលោកយ៉ូហាន ▼▼«លោកយ៉ូហាន» គេហៅជាទូទៅថា «យ៉ូហានបាប់ទីស្ទ» គាត់មិនមែនជាយ៉ូហានដែលជាសាវករបស់ព្រះយេស៊ូទេ។ មាននៅមក្នុង ១១:៤,១១,១២,១៣ ដែរ។
ដែលនៅក្នុងគុកកាលបានឮពីកិច្ចការទាំងឡាយដែលព្រះគ្រិស្ដបានធ្វើក៏ចាត់សិស្សរបស់គាត់ឲ្យមកទូលសួរព្រះអង្គថា៖ 3«តើលោកជាព្រះអង្គដែលត្រូវយាងមកឬយើងត្រូវទន្ទឹងចាំព្រះមួយអង្គទៀត?» 4ព្រះយេស៊ូមានបន្ទូលឆ្លើយទៅពួកគេថា៖ «ចូរទៅប្រាប់លោកយ៉ូហានពីអ្វីដែលអ្នកស្ដាប់ឮនិងមើលឃើញចុះ 5គឺមនុស្សខ្វាក់បានភ្លឺមនុស្សខ្វិនបានដើររួចមនុស្សឃ្លង់ ▼▼«ឃ្លង់» ជាជំងឺសើស្បែក ប៉ុន្ដែព្រះគម្ពីរប្រើពាក្យឃ្លង់ ប្រហែលជាសំដៅលើជំងឺសើស្បែកផ្សេងៗទៀតដែរ (សូមមើល លេវី ១៣:១-៤៦ និង១៤:១-៣២)។
បានជាស្អាត ▼▼«ជាស្អាត» មនុស្សដែលមានជំងឺស្បែកត្រូវបានគេចាត់ទុកថាជាមនុស្សមិនបរិសុទ្ធ ហើយមិនអាចចូលទៅក្នុងកន្លែងថ្វាយបង្គំ ឬថ្វាយតង្វាយបានទេ។
មនុស្សថ្លង់បានស្ដាប់ឮឯមនុស្សស្លាប់បានរស់វិញហើយអ្នកក្របានឮដំណឹងល្អ។ 6អ្នកដែលមិនរវាតចិត្តពីខ្ញុំមានពរហើយ»។ 7ពេលអ្នកទាំងនេះចាកចេញព្រះយេស៊ូចាប់ផ្ដើមមានបន្ទូលទៅបណ្ដាជនអំពីលោកយ៉ូហានថា៖ «តើអ្នករាល់គ្នាចេញទៅមើលអ្វីនៅទីរហោឋាន? មើលដើមត្រែងដែលត្រូវខ្យល់បក់ឬ? 8តើអ្នករាល់គ្នាបានចេញទៅមើលអ្វី? មើលបុរសម្នាក់ដែលស្លៀកសម្លៀកបំពាក់ស្អាតប្រណិតឬ? នែ៎! អ្នកស្លៀកពាក់ស្អាតប្រណិតគឺនៅក្នុងដំណាក់ស្ដេចឯណោះ។ 9ដូច្នេះតើអ្នករាល់គ្នាចេញទៅមើលអ្វី? អ្នកនាំព្រះបន្ទូលឬ? មែនហើយខ្ញុំប្រាប់អ្នករាល់គ្នាថាអ្នកនោះវិសេសជាងអ្នកនាំព្រះបន្ទូលទៅទៀត 10ដ្បិតអ្នកនេះហើយដែលមានសេចក្ដីចែងទុកអំពីគាត់ថាមើល៍! យើងចាត់ទូតយើងឲ្យទៅមុនអ្នកដែលជាអ្នករៀបចំដំណើររបស់អ្នកជាមុន ▼▼«យើងចាត់ទូត...ជាមុន» សូមមើល ម៉ាឡា ៣:១។
11ខ្ញុំប្រាប់អ្នករាល់គ្នាជាប្រាកដថាក្នុងចំណោមមនុស្សដែលកើតពីស្ត្រីមកគ្មានអ្នកណាវិសេសជាងលោកយ៉ូហានអ្នកធ្វើពិធីជ្រមុជទឹកទេប៉ុន្ដែអ្នកតូចជាងគេនៅក្នុងនគរស្ថានសួគ៌វិសេសជាងគាត់ទៅទៀត។ 12ប៉ុន្ដែចាប់តាំងពីគ្រាលោកយ៉ូហានអ្នកធ្វើពិធីជ្រមុជទឹកមកទល់ពេលនេះមានគេខំប្រឹងចាប់យកនគរស្ថានសួគ៌ហើយអ្នកខំប្រឹងខ្នះខ្នែងចាប់យកនគរនោះបាន 13ដ្បិតអ្នកនាំព្រះបន្ទូលនិងគម្ពីរវិន័យទាំងអស់បានថ្លែងទុកអំពីការនេះរហូតដល់ជំនាន់លោកយ៉ូហាន 14ហើយបើអ្នករាល់គ្នាព្រមទទួលសេចក្ដីនេះគឺលោកហើយជាលោកអេលីយ៉ា ▼
▼«លោកអេលីយ៉ា» ជាអ្នកនាំព្រះបន្ទូលសាសន៍ហេព្រើរដែលសាសន៍យូដាសង្ឃឹមថា លោកនឹងត្រលប់មករៀបចំផ្លូវថ្វាយព្រះមែស៊ី (ម៉ាថា ៤:៥-៦)។
ដែលត្រូវមក។ 15អ្នកដែលមានត្រចៀកចូរស្ដាប់ចុះ។ ការជំនុំជំរះធ្លាក់លើពួកអ្នកមិនជឿ
16តើឲ្យខ្ញុំប្រៀបប្រដូចមនុស្សជំនាន់នេះទៅនឹងអ្វី? មនុស្សជំនាន់នេះប្រៀបដូចជាក្មេងៗដែលអង្គុយនៅផ្សារស្រែកទៅក្មេងឯទៀត 17ថាយើងផ្លុំខ្លុយឲ្យពួកឯងប៉ុន្ដែពួកឯងមិនរាំហើយយើងស្មូត្រប៉ុន្ដែពួកឯងមិនទួញសោកសោះ 18ដ្បិតលោកយ៉ូហានបានមកទាំងមិនបរិភោគមិនផឹកប៉ុន្ដែគេនិយាយថាលោកមានអារក្សចូល 19ឯកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។
បានមកទាំងបរិភោគនិងផឹកប៉ុន្ដែគេនិយាយថាមើល៍បុរសម្នាក់នេះជាមនុស្សល្មោភស៊ីល្មោភផឹកជាមិត្ដរបស់អ្នកទារពន្ធដារនិងមនុស្សបាប។ ប៉ុន្ដែគេដឹងថាប្រាជ្ញាត្រឹមត្រូវគឺដោយសារផលផ្លែរបស់វា»។ 20បន្ទាប់មកព្រះអង្គក៏ចាប់ផ្ដើមបន្ទោសដល់ក្រុងនានាដែលព្រះអង្គបានសំដែងការអស្ចារ្យជាច្រើនដោយព្រោះពួកគេមិនបានប្រែចិត្ត។ 21«វេទនាដល់អ្នកហើយក្រុងខូរ៉ាស៊ីនវេទនាដល់អ្នកហើយក្រុងបេតសៃដាព្រោះបើការអស្ចារ្យដែលបានសំដែងក្នុងចំណោមអ្នករាល់គ្នាបានសំដែងនៅក្រុងទីរ៉ុសនិងក្រុងស៊ីដូនវិញនោះគេមុខជាប្រែចិត្ដតាំងពីយូរដោយស្លៀកសំពត់ធ្មៃទាំងអង្គុយក្នុងផេះ ▼
▼«ស្លៀកសំពត់ធ្មៃ និងបាចផេះលើក្បាល» ជាដើម ជាសញ្ញាបង្ហាញឲ្យឃើញអំពីការប្រែចិត្ដ។
មិនខាន។ 22ប៉ុន្ដែខ្ញុំប្រាប់អ្នករាល់គ្នាថានៅថ្ងៃជំនុំជម្រះក្រុងទីរ៉ុសនិងក្រុងស៊ីដូនមុខជាងាយទ្រាំជាងអ្នករាល់គ្នា 23ក្រុងកាពើណិមអើយ! តើអ្នកផ្កើងឡើងដល់ស្ថានសួគ៌ឬ? អ្នកនឹងត្រូវធ្លាក់ចុះដល់ស្ថាននរកព្រោះបើការអស្ចារ្យដែលបានសំដែងក្នុងចំណោមអ្នកកើតឡើងនៅក្រុងសូដុមវិញក្រុងនោះនឹងគង់វង្សរហូតដល់ថ្ងៃនេះជាមិនខាន 24ប៉ុន្ដែខ្ញុំប្រាប់អ្នករាល់គ្នាថានៅថ្ងៃជំនុំជម្រះក្រុងសូដុមងាយទ្រាំជាងអ្នកផង»។ ព្រះយេស៊ូសរសើរតម្កើងនិងកំសាន្ដចិត្ត
25បន្ទាប់ពីមានបន្ទូលឆ្លើយនៅពេលនោះហើយព្រះយេស៊ូមានបន្ទូលថា៖ «ឱព្រះវរបិតាជាម្ចាស់ស្ថានសួគ៌និងផែនដីអើយ! ខ្ញុំសរសើរតម្កើងព្រះអង្គព្រោះព្រះអង្គបានលាក់សេចក្ដីទាំងនេះពីមនុស្សមានប្រាជ្ញានិងមនុស្សឈ្លាសវៃប៉ុន្ដែបើកសំដែងដល់ទារកវិញ 26មែនហើយព្រះវរបិតាអើយ! ដ្បិតព្រះអង្គសព្វព្រះហឫទ័យនឹងការបែបនេះណាស់។ 27ព្រះវរបិតារបស់ខ្ញុំបានប្រគល់អ្វីៗទាំងអស់ឲ្យខ្ញុំហើយគ្មានអ្នកណាស្គាល់ព្រះរាជបុត្រាទេក្រៅពីព្រះវរបិតាហើយក៏គ្មានអ្នកណាស្គាល់ព្រះវរបិតាដែរក្រៅពីព្រះរាជបុត្រានិងអស់អ្នកដែលព្រះរាជបុត្រាសព្វព្រះហឫទ័យបើកសំដែងឲ្យស្គាល់តែប៉ុណ្ណោះ។ 28អស់អ្នកដែលនឿយព្រួយហើយផ្ទុកធ្ងន់អើយ! ចូរមកឯខ្ញុំចុះខ្ញុំនឹងឲ្យអ្នករាល់គ្នាសម្រាក 29ចូរទទួលនឹមខ្ញុំដាក់លើអ្នករាល់គ្នាហើយរៀនពីខ្ញុំចុះដ្បិតខ្ញុំស្លូតហើយមានចិត្ដសុភាពនោះអ្នករាល់គ្នានឹងរកបានសេចក្ដីសម្រាកដល់ព្រលឹង 30ពីព្រោះនឹមខ្ញុំងាយទេហើយបន្ទុកខ្ញុំក៏ស្រាលដែរ។
Copyright information for
KhmKCB