Matthew 21
ព្រះយេស៊ូចូលក្រុងយេរូសាឡិម
1កាលពួកគេមកជិតដល់ក្រុងយេរូសាឡិមគឺត្រង់ក្រុងបេតផាសេជិតភ្នំដើមអូលីវព្រះយេស៊ូក៏ចាត់សិស្សពីរនាក់ឲ្យទៅ 2ដោយមានបន្ទូលទៅពួកគេថា៖ «ចូរទៅភូមិនៅទល់មុខអ្នកហើយភ្លាមនោះអ្នកនឹងឃើញមេលាមួយដែលគេចងទុកជាមួយកូនរបស់វាចូរស្រាយនាំមកឲ្យខ្ញុំ 3ប្រសិនបើមានអ្នកណាសួរអ្វីដល់អ្នកនោះចូរប្រាប់ថាព្រះអម្ចាស់ត្រូវការពួកវាហើយគេនឹងប្រគល់ពួកវាឲ្យអ្នកភ្លាម»។ 4ការនេះកើតឡើងដើម្បីសម្រេចសេចក្ដីដែលបានថ្លែងទុកតាមរយៈអ្នកនាំព្រះបន្ទូលថា៖ 5«ចូរប្រាប់កូនស្រីក្រុងស៊ីយ៉ូនថាមើល៍ស្ដេចរបស់អ្នកយាងមកឯអ្នកហើយព្រះអង្គស្លូតត្រង់ព្រះអង្គគង់លើកូនលា ▼▼«ចូរប្រាប់...កូនលា» សូមមើល សាកា ៩:៩។
»។ 6សិស្សទាំងពីរនាក់ក៏ចេញទៅហើយធ្វើតាមដូចព្រះយេស៊ូបានបង្គាប់ពួកគេ 7ពួកគេបានដឹកមេលានិងកូនរបស់វាមកហើយបានក្រាលអាវរបស់គេលើខ្នងវារួចព្រះអង្គគង់លើវា 8ហើយបណ្ដាជនច្រើនកុះករនាំគ្នាក្រាលអាវរបស់គេនៅលើផ្លូវឯអ្នកផ្សេងទៀតនាំគ្នាកាត់មែកឈើមកក្រាលលើផ្លូវដែរ 9បណ្ដាជនដែលដើរនាំមុខនិងដើរតាមក្រោយព្រះអង្គនាំគ្នាស្រែកឡើងថា៖ «ហូសាណា ▼▼«ហូសាណា» មានន័យថា «សូមជួយសង្គ្រោះយើងខ្ញុំផង»។ មាននៅក្នុង ២១:១៥ ដែរ។
ដល់ពូជពង្សដាវីឌ ▼▼«ពូជពង្សដាវីឌ» ជាឈ្មោះដែលពួកយូដាប្រើសម្រាប់ព្រះសង្គ្រោះ ដែលព្រះជាម្ចាស់បានសន្យាថា ជាតំណវង្ស និងជាអ្នកស្នងរាជ្យរបស់ស្តេចដាវីឌ។
សូមថ្វាយព្រះពរព្រះអង្គដែលយាងមកក្នុងព្រះនាមព្រះអម្ចាស់! ហូសាណានៅស្ថានដ៏ខ្ពស់បំផុត» 10កាលព្រះអង្គយាងចូលក្នុងក្រុងយេរូសាឡិមអ្នកក្រុងទាំងមូលក៏រំជើបរំជួលឡើងនិយាយគ្នាថា៖ «តើអ្នកនេះជាអ្នកណា?» 11បណ្ដាជននាំគ្នានិយាយថា៖ «នេះគឺលោកយេស៊ូជាអ្នកនាំព្រះបន្ទូលមកពីក្រុងណាសារ៉ែតស្រុកកាលីឡេ»។ ព្រះយេស៊ូសំអាតព្រះវិហារ
12ព្រះយេស៊ូបានយាងចូលទៅក្នុងព្រះវិហារហើយបណ្ដេញមនុស្សទាំងអស់ដែលលក់ដូរនៅក្នុងព្រះវិហារព្រះអង្គផ្ដួលតុពួកអ្នកដូរលុយនិងកៅអីពួកអ្នកលក់សត្វព្រាប 13ហើយព្រះអង្គមានបន្ទូលទៅគេថា៖ «មានសេចក្ដីចែងទុកថាដំណាក់របស់យើងត្រូវហៅថាដំណាក់នៃការអធិស្ឋានប៉ុន្ដែអ្នករាល់គ្នាធ្វើឲ្យតំណាក់នេះត្រលប់ជាសំបុកចោរទៅវិញ ▼▼«មានសេចក្ដីចែងទុក...ទៅវិញ» សូមមើល យេរេ ៧:១១។ មានរហុតដល់ ២១:១៥។
»។ ក្មេងៗសរសើរព្រះយេស៊ូ
14ពួកមនុស្សខ្វាក់និងមនុស្សខ្វិនបានចូលមកជិតព្រះអង្គនៅក្នុងព្រះវិហារហើយព្រះអង្គក៏ប្រោសពួកគេឲ្យបានជា 15ប៉ុន្ដែកាលពួកសម្ដេចសង្ឃនិងគ្រូវិន័យបានឃើញការអស្ចារ្យដែលព្រះអង្គបានធ្វើទាំងក្មេងៗនាំគ្នាស្រែកនៅក្នុងព្រះវិហារថាហូសាណាដល់ពូជពង្សដាវីឌផងនោះពួកគេក៏ទាស់ចិត្ដជាខ្លាំង 16ហើយពួកគេទូលព្រះអង្គថា៖ «តើអ្នកឮអ្វីដែលក្មេងៗទាំងនេះកំពុងនិយាយដែរទេ?» ព្រះយេស៊ូមានបន្ទូលទៅពួកគេថា៖ «បាទខ្ញុំឮហើយតើពួកលោកមិនដែលអានទេឬថាព្រះអង្គបានធ្វើឲ្យពាក្យសរសើរចេញពីមាត់ក្មេងៗនិងទារកដែល ▼▼«ព្រះអង្គបានធ្វើឲ្យ...នៅបៅ» សូមមើល ទំនុក ៨:២។
នៅបៅ?» 17ព្រះអង្គបានចាកចេញពីពួកគេហើយយាងចេញពីក្រុងនោះឆ្ពោះទៅក្រុងបេថានីនិងបានស្នាក់នៅទីនោះនៅយប់នោះ។ ព្រះយេស៊ូដាក់បណ្ដាសារដើមល្វា
18លុះព្រលឹមឡើងពេលកំពុងយាងត្រលប់ទៅក្រុង ▼▼«ក្រុង» សំដៅលើ «ក្រុងយេរូសាឡិម»។
វិញព្រះអង្គឃ្លាន 19កាលបានឃើញដើមល្វាមួយដើមនៅតាមផ្លូវព្រះអង្គក៏យាងទៅជិតដើមល្វានោះប៉ុន្ដែមិនឃើញមានផ្លែសោះនៅលើដើមមានតែស្លឹកប៉ុណ្ណោះព្រះអង្គមានបន្ទូលទៅដើមល្វានោះថា៖ «ដរាបតទៅកុំឲ្យឯងមានផ្លែទៀតឡើយ» ស្រាប់តែដើមល្វានោះក្រៀមស្វិតមួយរំពេច។ 20ពេលពួកសិស្សឃើញដូច្នេះក៏នឹកឆ្ងល់ទាំងនិយាយថា៖ «តើហេតុដូចម្ដេចបានជាដើមល្វានេះក្រៀមស្វិតមួយរំពេចដូច្នេះ?» 21ព្រះយេស៊ូមានបន្ទូលឆ្លើយទៅពួកគេថា៖ «ខ្ញុំប្រាប់អ្នករាល់គ្នាជាប្រាកដថាបើអ្នករាល់គ្នាមានជំនឿហើយឥតសង្ស័យសោះនោះអ្នករាល់គ្នាអាចធ្វើបានមិនត្រឹមហេតុការណ៍ដែលកើតឡើងចំពោះដើមល្វាប៉ុណ្ណោះទេសូម្បីតែអ្នករាល់គ្នានិយាយទៅភ្នំនេះថាចូររើហើយធ្លាក់ទៅក្នុងសមុទ្រទៅនោះនឹងកើតឡើងដូច្នោះមែន 22ហើយគ្រប់សេចក្ដីទាំងអស់ដែលអ្នករាល់គ្នាសុំក្នុងសេចក្ដីអធិស្ឋានដោយជំនឿនោះនឹងបានទទួល»។ ការចោទសួរអំពីសិទ្ធិអំណាចរបស់ព្រះយេស៊ូ
23កាលព្រះអង្គបានចូលទៅក្នុងព្រះវិហារហើយពួកសម្ដេចសង្ឃនិងពួកចាស់ទុំរបស់ប្រជាជនក៏ចូលមកជិតព្រះអង្គពេលព្រះអង្គកំពុងបង្រៀនពួកគេទូលសួរថា៖ «តើអ្នកធ្វើការទាំងនេះដោយសិទ្ធិអំណាចអ្វី? តើនរណាឲ្យសិទ្ធិអំណាចនេះដល់អ្នក?» 24ព្រះយេស៊ូមានបន្ទូលឆ្លើយទៅពួកគេថា៖ «ខ្ញុំនឹងសួរពួកលោកមួយសំនួរដែរប្រសិនបើពួកលោកប្រាប់ខ្ញុំបាននោះខ្ញុំនឹងប្រាប់វិញដែរថាខ្ញុំធ្វើការទាំងនេះដោយសិទ្ធិអំណាចអ្វី 25តើពិធីជ្រមុជទឹករបស់លោកយ៉ូហាន ▼▼«លោកយ៉ូហាន» គេហៅជាទូទៅថា «យ៉ូហានបាប់ទីស្ទ» គាត់មិនមែនជាយ៉ូហានដែលជាសាវករបស់ព្រះយេស៊ូទេ។ មាននៅក្នុង ២១:២៦,៣២ ដែរ។
មកពីណា? មកពីស្ថានសួគ៌ឬក៏មកពីមនុស្ស?» ពួកគេក៏ពិគ្រោះគ្នាថា៖ «ប្រសិនបើយើងឆ្លើយថាមកពីស្ថានសួគ៌នោះគាត់នឹងនិយាយថាចុះហេតុអ្វីបានជាពួកលោកមិនជឿលោកយ៉ូហាន? 26ប៉ុន្ដែបើយើងឆ្លើយថាមកពីមនុស្សនោះខ្លាចបណ្ដាជនព្រោះមនុស្សគ្រប់គ្នារាប់លោកយ៉ូហានថាជាអ្នកនាំព្រះបន្ទូល» 27ពួកគេក៏ទូលឆ្លើយទៅព្រះយេស៊ូថា៖ «យើងមិនដឹងទេ»។ ព្រះអង្គមានបន្ទូលទៅពួកគេវិញថា៖ «ខ្ញុំក៏មិនប្រាប់ពួកលោកដែរថាខ្ញុំធ្វើការទាំងនេះដោយសិទ្ធិអំណាចអ្វីនោះ។ រឿងកូនប្រុសពីរនាក់
28តើពួកលោកគិតយ៉ាងដូចម្ដេច? មានបុរសម្នាក់មានកូនពីរនាក់គាត់បានចូលមកជិតកូនទីមួយប្រាប់ថាកូនអើយ! ថ្ងៃនេះកូនទៅធ្វើការនៅក្នុងចម្ការទំពាំងបាយជូរចុះ 29វាតបវិញថាខ្ញុំមិនចង់ទៅទេប៉ុន្ដែក្រោយមកវាដូរគំនិតវិញហើយក៏ទៅ។ 30បុរសនោះបានទៅប្រាប់កូនម្នាក់ទៀតដូចមុននោះវាតបវិញថាលោកឪពុកអើយ! ខ្ញុំទៅប៉ុន្ដែវាមិនបានទៅទេ 31ក្នុងចំណោមកូនទាំងពីរនាក់នេះតើកូនមួយណាធ្វើតាមបំណងរបស់ឪពុក?» ពួកគេឆ្លើយថា៖ «កូនទីមួយ»។ ព្រះយេស៊ូមានបន្ទូលទៅពួកគេថា៖ «ខ្ញុំប្រាប់ពួកលោកជាប្រាកដថាពួកអ្នកទារពន្ធដារ ▼▼«អ្នកទារពន្ធដារ» គឺជាអ្នកដែលទារពន្ធដារឲ្យរដ្ឋាភិបាលរ៉ូមលើទំនិញ ឬផលិតផលនាំចូល ឬនាំចេញពីក្រុង។ មាននៅក្នុង ២១:៣២ ដែរ។
និងពួកស្ដ្រីពេស្យានឹងចូលទៅក្នុងនគរព្រះជាម្ចាស់មុនពួកលោក។ 32ដ្បិតលោកយ៉ូហានបានមកឯពួកលោកដោយផ្លូវនៃសេចក្ដីសុចរិតប៉ុន្ដែពួកលោកមិនជឿគាត់ទេផ្ទុយទៅវិញពួកអ្នកទារពន្ធដារនិងពួកស្ដ្រីពេស្យាបានជឿគាត់ហើយទោះបីពួកលោកឃើញក្ដីក៏មិនបានប្រែចិត្ដជឿគាត់តាមក្រោយដែរ។ រឿងអ្នកជួលចម្ការ
33ចូរស្ដាប់រឿងប្រៀបប្រដូចមួយទៀតមានបុរសម្នាក់ជាម្ចាស់ចម្ការបានធ្វើចម្ការទំពាំងបាយជូរមួយហើយក៏ព័ទ្ធរបងជុំវិញជីកកន្លែងបញ្ជាន់ផ្លែនៅក្នុងចម្ការនោះសង់ប៉ម ▼▼«ប៉ម» សម្រាប់យាមចម្ការទំពាំងបាយជូរ ជាពិសេសនៅរដូវផ្លែទំពាំងបាយជូរទុំ និងសម្រាប់ជាជម្រកផងដែរ។ គេត្រូវសង់កំពស់ប្រាំម៉ែត និងទំហំពីរម៉ែតបួនជ្រុង។
មួយរួចប្រវាស់ឲ្យពួកអ្នកចម្ការហើយក៏ចេញដំណើរទៅ។ 34លុះជិតដល់រដូវប្រមូលផលគាត់ក៏ចាត់ពួកបាវបម្រើឲ្យទៅឯពួកអ្នកចម្ការដើម្បីទទួលយកផលនៃចម្ការទំពាំងបាយជូរនោះ 35ប៉ុន្ដែពួកអ្នកចម្ការបានវាយបាវបម្រើរបស់គាត់ម្នាក់សម្លាប់ម្នាក់ហើយបានគប់ម្នាក់ទៀតនឹងដុំថ្ម។ 36គាត់ក៏ចាត់ពួកបាវបម្រើផ្សេងទៀតច្រើនជាងលើកទីមួយឲ្យទៅប៉ុន្ដែពួកគេបានធ្វើចំពោះអ្នកទាំងនោះដូចលើកមុន។ 37នៅទីបំផុតគាត់ក៏ចាត់កូនប្រុសរបស់គាត់ឲ្យទៅឯពួកអ្នកចម្ការដោយនិយាយថាពួកគេនឹងគោរពកូនប្រុសរបស់ខ្ញុំ 38ប៉ុន្ដែកាលពួកអ្នកចម្ការឃើញកូនប្រុសនោះក៏និយាយគ្នាថាម្នាក់នេះជាអ្នកស្នងមរតកចូរយើងសម្លាប់វាចោលទៅដើម្បីយកមរតករបស់វា។ 39ពួកគេក៏ចាប់កូនប្រុសនោះបោះទៅក្រៅចម្ការទំពាំងបាយជូរហើយសម្លាប់ចោល។ 40ដូច្នេះពេលម្ចាស់ចម្ការមកវិញតើគាត់នឹងធ្វើយ៉ាងដូចម្ដេចចំពោះពួកអ្នកចម្ការទាំងនោះ?»។ 41ពួកគេទូលព្រះអង្គថា៖ «គាត់នឹងសម្លាប់ពួកមនុស្សអាក្រក់ទាំងនោះដោយឥតប្រណីឡើយហើយគាត់នឹងប្រវាស់ចម្ការទំពាំងបាយជូរនោះឲ្យទៅពួកអ្នកចម្ការផ្សេងទៀតដែលផ្ដល់ផលឲ្យគាត់តាមរដូវ»។ 42ព្រះយេស៊ូមានបន្ទូលទៅពួកគេថា៖ «តើពួកលោកមិនដែលអាននៅក្នុងបទគម្ពីរទេឬថាថ្មដែលជាងសំណង់បោះបង់ចោលនោះត្រលប់ជាថ្មដ៏សំខាន់នៅតាមជ្រុងការនេះកើតឡើងពីព្រះអម្ចាស់ហើយអស្ចារ្យណាស់នៅចំពោះភ្នែកយើង ▼▼«ថ្មដែលជាងសំណង់...របស់យើង» សូមមើល ទំនុក ១១៨:២២-២៣។ សូមមើលរូបក្នុង លូកា ២០:១៧។
។ 43ហេតុនេះខ្ញុំប្រាប់ពួកលោកថានគរព្រះជាម្ចាស់នឹងត្រូវដកហូតពីពួកលោកហើយប្រគល់ទៅឲ្យជនជាតិមួយដែលបង្កើតផលឲ្យនគរនោះ។ 44អ្នកណាធ្លាក់លើថ្មនេះអ្នកនោះនឹងត្រូវបាក់បែកហើយប្រសិនបើថ្មនេះធ្លាក់លើអ្នកណាវិញវានឹងកិនកម្ទេចអ្នកនោះ»។ 45កាលពួកសម្ដេចសង្ឃនិងពួកអ្នកខាងគណៈផារិស៊ីបានស្ដាប់រឿងប្រៀបប្រដូចរបស់ព្រះអង្គនេះរួចហើយក៏ដឹងថាព្រះអង្គមានបន្ទូលអំពីពួកគេ 46ក៏រកចាប់ព្រះអង្គប៉ុន្ដែពួកគេខ្លាចបណ្ដាជនព្រោះបណ្ដាជនរាប់ព្រះអង្គថាជាអ្នកនាំព្រះបន្ទូលម្នាក់។
Copyright information for
KhmKCB