Matthew 26
មេដឹកនាំសាសនារៀបផែនការសម្លាប់ព្រះយេស៊ូ
1កាលព្រះយេស៊ូបានបញ្ចប់ព្រះបន្ទូលទាំងអស់នេះហើយព្រះអង្គក៏មានបន្ទូលទៅពួកសិស្សរបស់ព្រះអង្គថា៖ 2«អ្នករាល់គ្នាដឹងថាពីរថ្ងៃទៀតដល់ថ្ងៃបុណ្យរំលងហើយឯកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។ មាននៅក្នុង ២៦:២៤,៤៥,៦៤ ដែរ។
វិញក៏ត្រូវគេបញ្ជូនឲ្យទៅជាប់ឆ្កាងដែរ»។ 3នៅពេលនោះពួកសម្ដេចសង្ឃនិងពួកចាស់ទុំរបស់ប្រជាជនបានប្រមូលផ្ដុំគ្នានៅក្នុងផ្ទះរបស់សម្ដេចសង្ឃម្នាក់ឈ្មោះកៃផា 4ពួកគេបានពិភាក្សាគ្នាដើម្បីចាប់ព្រះយេស៊ូដោយឧបាយកលរួចសម្លាប់ព្រះអង្គ 5ប៉ុន្ដែពួកគេនិយាយថា៖ «កុំធ្វើនៅក្នុងពេលបុណ្យអីក្រែងលោកើតមានចលាចលក្នុងចំណោមប្រជាជន»។ ព្រះយេស៊ូទទួលប្រេងក្រអូបនៅក្រុងបេថានី
6ពេលព្រះយេស៊ូកំពុងគង់នៅក្នុងផ្ទះរបស់លោកស៊ីម៉ូនជាមនុស្សឃ្លង់ ▼▼«ឃ្លង់» ជាជំងឺសើស្បែក ប៉ុន្ដែព្រះគម្ពីរប្រើពាក្យឃ្លង់ ប្រហែលជាសំដៅលើជំងឺសើស្បែកផ្សេងៗទៀតដែរ (សូមមើល លេវី ១៣:១-៤៦ និង១៤:១-៣២)។
នៅក្រុងបេថានី 7នោះស្ដ្រីម្នាក់បានចូលមកជិតព្រះអង្គដោយមានកាន់ប្រេងក្រអូបមួយដបដ៏មានតម្លៃបំផុតផង។ នាងក៏ចាក់ប្រេងក្រអូបនោះលើព្រះ ▼▼«ព្រះសិរ» ជារាជសព្ទប្រើសម្រាប់ហៅ «ក្បាល»។
សិររបស់ព្រះអង្គពេលព្រះអង្គកំពុងអង្គុយនៅតុអាហារ។ 8ពេលពួកសិស្សឃើញដូច្នេះក៏និយាយទាំងខឹងថា៖ «ម្ដេចបង្ហិនដូច្នេះ? 9ដ្បិតប្រេងនេះអាចលក់បានថ្លៃហើយអាចចែកទានដល់អ្នកក្របាន»។ 10កាលព្រះយេស៊ូជ្រាបហើយក៏មានបន្ទូលទៅពួកគេថា៖ «ហេតុអ្វីអ្នករាល់គ្នាបង្ករឿងនឹងស្ដ្រីនេះដូច្នេះ? គឺនាងបានធ្វើកិច្ចការដ៏ប្រសើរដល់ខ្ញុំ។ 11ដ្បិតអ្នកក្រតែងនៅជាមួយអ្នករាល់គ្នាជានិច្ចឯខ្ញុំវិញមិននៅជាមួយអ្នករាល់គ្នារហូតទេ 12ប៉ុន្ដែស្ដ្រីនេះបានចាក់ប្រេងក្រអូបនេះលើខ្លួនខ្ញុំដើម្បីរៀបចំបញ្ចុះសពរបស់ខ្ញុំ 13ខ្ញុំប្រាប់អ្នករាល់គ្នាជាប្រាកដថានៅក្នុងពិភពលោកទាំងមូលនៅទីណាក៏ដោយដែលគេប្រកាសដំណឹងល្អគេក៏និយាយអំពីអ្វីដែលស្ដ្រីម្នាក់នេះបានធ្វើដែរដើម្បីជាការរំលឹកដល់នាង»។ 14នៅពេលនោះសាវកម្នាក់ក្នុងចំណោមសាវកទាំងដប់ពីរឈ្មោះយូដាសអ៊ីស្ការីយ៉ុតបានទៅជួបពួកសម្ដេចសង្ឃ 15ប្រាប់ថា៖ «ខ្ញុំនឹងប្រគល់គាត់ឲ្យពួកលោកតើពួកលោកនឹងឲ្យអ្វីខ្ញុំ?» ពួកគេក៏ឲ្យគាត់សាមសិបកាក់ប្រាក់។ 16តាំងពីពេលនោះមកគាត់ក៏រកឱកាសដើម្បីប្រគល់ព្រះអង្គឲ្យពួកគេ។ យូដាសអ៊ីស្ការីយ៉ុតយល់ព្រមក្បត់ព្រះយេស៊ូ
17នៅថ្ងៃទីមួយនៃថ្ងៃបុណ្យនំបុ័ងឥតមេពួកសិស្សបានចូលមកជិតព្រះយេស៊ូទូលសួរថា៖ «តើលោកចង់ឲ្យយើងរៀបចំឲ្យលោកបរិភោគក្នុងពិធីបុណ្យរំលងនៅទីណា?» 18ព្រះអង្គមានបន្ទូលថា៖ «ចូរទៅឯបុរសម្នាក់នៅក្នុងក្រុងហើយប្រាប់គាត់ថាលោកគ្រូនិយាយថាពេលកំណត់របស់ខ្ញុំជិតដល់ហើយខ្ញុំនឹងធ្វើបុណ្យរំលងជាមួយពួកសិស្សរបស់ខ្ញុំនៅកន្លែងអ្នក»។ 19ពួកសិស្សក៏ធ្វើដូចដែលព្រះយេស៊ូបានបង្គាប់ហើយពួកគេក៏រៀបចំពិធីបុណ្យរំលង។ 20លុះដល់ពេលល្ងាចព្រះអង្គក៏បានអង្គុយនៅតុអាហារជាមួយសាវកទាំងដប់ពីរ 21ហើយពេលពួកគេកំពុងបរិភោគព្រះអង្គមានបន្ទូលថា៖ «ខ្ញុំប្រាប់អ្នករាល់គ្នាជាប្រាកដថាក្នុងចំណោមអ្នករាល់គ្នាមានម្នាក់នឹងក្បត់ខ្ញុំ»។ 22ពួកសិស្សកើតទុក្ខយ៉ាងខ្លាំងហើយចាប់ផ្ដើមទូលសួរព្រះអង្គម្នាក់ម្ដងៗថា៖ «ព្រះអម្ចាស់អើយ! មិនមែនខ្ញុំទេមែនទេ?» 23ប៉ុន្ដែព្រះអង្គមានបន្ទូលឆ្លើយទៅពួកគេថា៖ «គឺអ្នកដែលយកដៃជ្រលក់ក្នុងចានជាមួយខ្ញុំអ្នកនោះហើយនឹងក្បត់ខ្ញុំ 24ដ្បិតកូនមនុស្សត្រូវទៅដូចដែលមានចែងអំពីលោកមែនប៉ុន្ដែវេទនាដល់អ្នកដែលក្បត់កូនមនុស្សហើយជាការប្រសើរជាងបើអ្នកនោះមិនបានកើតមកទេ» 25នោះយូដាសជាអ្នកក្បត់ព្រះអង្គបានទូលតបថា៖ «លោកគ្រូមិនមែនខ្ញុំទេមែនទេ?» ព្រះអង្គក៏មានបន្ទូលទៅគាត់ថា៖ «អ្នកនិយាយត្រូវហើយ»។អាហារចុងក្រោយរបស់ព្រះអម្ចាស់
26កាលពួកគេកំពុងបរិភោគនោះព្រះយេស៊ូបានយកនំប៉័ងមកឲ្យពរហើយកាច់ចែកឲ្យពួកសិស្សទាំងមានបន្ទូលថា៖ «ចូរទទួលហើយបរិភោគចុះនេះជារូបកាយរបស់ខ្ញុំ» 27បន្ទាប់មកព្រះអង្គយកពែងមកអរព្រះគុណហើយឲ្យពែងនោះដល់ពួកគេទាំងមានបន្ទូលថា៖ «ចូរអ្នកទាំងអស់គ្នាផឹកពីពែងនេះចុះ 28ដ្បិតនេះជាឈាមរបស់ខ្ញុំគឺជាឈាមនៃកិច្ចព្រមព្រៀងដែលបានបង្ហូរដើម្បីលើកលែងទោសបាបដល់មនុស្សជាច្រើន។ 29ខ្ញុំប្រាប់អ្នករាល់គ្នាថាចាប់ពីពេលនេះតទៅខ្ញុំនឹងមិនផឹកពីផលទំពាំងបាយជូរទៀតទេរហូតដល់ថ្ងៃដែលខ្ញុំនឹងផឹកវាជាថ្មីជាមួយអ្នករាល់គ្នានៅក្នុងនគរព្រះវរបិតារបស់ខ្ញុំ»។ 30ក្រោយពីច្រៀងចម្រៀងសរសើរតម្កើងរួចពួកគេក៏ចេញទៅភ្នំដើមអូលីវ។ព្រះយេស៊ូប្រាប់ឲ្យដឹងមុនថាលោកពេត្រុសនឹងបដិសេធព្រះអង្គ
31ក្រោយមកព្រះយេស៊ូមានបន្ទូលទៅពួកគេថា៖ «យប់នេះដោយព្រោះខ្ញុំអ្នកទាំងអស់គ្នានឹងជំពប់ដួលដ្បិតមានសេចក្ដីចែងទុកមកថាយើងនឹងវាយអ្នកគង្វាលហើយហ្វូងចៀមនឹងខ្ចាត់ខ្ចាយទៅ ▼▼«អញនឹងវាយ...ទៅ» សូមមើល សាកា ១៣:៧។
32ប៉ុន្ដែបន្ទាប់ពីខ្ញុំរស់ឡើងវិញខ្ញុំនឹងទៅស្រុកកាលីឡេមុនអ្នករាល់គ្នា»។ 33លោកពេត្រុសទូលទៅព្រះអង្គថា៖ «ទោះជាមនុស្សគ្រប់គ្នាជំពប់ដួលក៏ដោយក៏ខ្ញុំមិនជំពប់ដួលឡើយ» 34ព្រះយេស៊ូក៏មានបន្ទូលទៅគាត់ថា៖ «ខ្ញុំប្រាប់អ្នកជាប្រាកដថានៅយប់នេះមុនមាន់រងាវអ្នកនឹងបដិសេធបីដងថាមិនស្គាល់ខ្ញុំ» 35នោះលោកពេត្រុសទូលទៅព្រះអង្គវិញថា៖ «ទោះបីខ្ញុំត្រូវស្លាប់ជាមួយលោកក៏ដោយក៏ខ្ញុំមិនបដិសេធលោកជាដាច់ខាត»។ ពួកសិស្សទាំងអស់គ្នាក៏និយាយដូច្នោះដែរ។ ព្រះយេស៊ូអធិស្ឋានក្នុងសួនគែតសេម៉ានី
36ក្រោយមកព្រះយេស៊ូជាមួយពួកសិស្សបានមកដល់កន្លែងមួយដែលមានឈ្មោះថាសួនគែតសេម៉ានី ▼▼«សួនគែតសេម៉ានី» សួនមួយស្ថិតនៅជំរាលខាងលិចនៃភ្នំដើមអូលីវ។
ព្រះអង្គក៏មានបន្ទូលទៅពួកគេថា៖ «ចូរអង្គុយនៅទីនេះចុះនៅពេលខ្ញុំទៅអធិស្ឋាននៅទីនោះ»។ 37ព្រះអង្គយកលោកពេត្រុសនិងកូនប្រុសទាំងពីរនាក់របស់លោកសេបេដេទៅជាមួយហើយព្រះអង្គចាប់ផ្ដើមមានទុក្ខព្រួយនិងពិបាកចិត្ដយ៉ាងខ្លាំង។ 38ព្រះអង្គមានបន្ទូលទៅអ្នកទាំងបីនោះថា៖ «ខ្ញុំព្រួយចិត្តខ្លាំងណាស់ស្ទើរស្លាប់ទៅហើយចូរនៅទីនេះជាមួយខ្ញុំហើយប្រុងស្មារតីឡើង»។ 39កាលយាងទៅមុខបានបន្ដិចព្រះអង្គក៏ក្រាបផ្កាប់មុខចុះហើយអធិស្ឋានថា៖ «ឱព្រះវរបិតារបស់ខ្ញុំអើយ! ប្រសិនបើអាចសូមឲ្យពែងនេះរំលងផុតពីខ្ញុំទៅប៉ុន្ដែកុំតាមបំណងរបស់ខ្ញុំឡើយគឺតាមបំណងរបស់ព្រះអង្គវិញ» 40រួចព្រះអង្គយាងមកឯពួកសិស្សវិញក៏ឃើញពួកគេដេកលក់អស់នោះព្រះអង្គមានបន្ទូលទៅលោកពេត្រុសថា៖ «តើពួកអ្នកទ្រាំនៅជាមួយខ្ញុំដោយមិនដេកតែមួយម៉ោងមិនបានទេឬ? 41ចូរប្រុងស្មារតីឡើងហើយអធិស្ឋានចុះដើម្បីកុំឲ្យធ្លាក់ក្នុងសេចក្ដីល្បួងដ្បិតវិញ្ញាណប្រុងប្រៀបជាស្រេចមែនប៉ុន្ដែរូបកាយខ្សោយទេ»។ 42ព្រះអង្គក៏យាងទៅម្ដងទៀតហើយអធិស្ឋានជាលើកទីពីរថា៖ «ឱព្រះវរបិតារបស់ខ្ញុំអើយ! ប្រសិនបើខ្ញុំត្រូវតែផឹកពីពែងនេះដោយចៀសពុំរួចមែនសូមឲ្យសម្រេចតាមបំណងព្រះអង្គចុះ» 43ពេលព្រះអង្គយាងមកវិញក៏ឃើញពួកគេដេកលក់ទៀតព្រោះពួកគេបើកភ្នែកមិនរួច 44ព្រះអង្គក៏យាងចេញពីពួកគេម្ដងទៀតហើយមានបន្ទូលអធិស្ឋានជាលើកទីបីតាមពាក្យដដែល។ 45ក្រោយមកព្រះអង្គក៏យាងមកឯពួកសិស្សវិញហើយមានបន្ទូលទៅពួកគេថា៖ «តើអ្នករាល់គ្នានៅដេកនិងសម្រាកដល់ពេលណាទៀតមើល៍ជិតដល់ពេលកំណត់ ▼▼«មនុស្សបាប» មិនមែនជាអស់អ្នកដែលធ្វើបាបសំខាន់ៗទេ ប៉ុន្ដែជាពពួកមនុស្សដូចជាពួកទារពន្ធដារជាដើម ដែលពួកមេដឹកនាំសាសនាស្អប់ ដោយព្រោះការមិនគោរពច្បាប់សាសនារបស់ពួកគេ ជាពិសេសវិន័យដែលហាមឃាត់មិនឲ្យបរិភោគជាមួយពួកសាសន៍ដទៃ។
ហើយកូនមនុស្សនឹងត្រូវគេប្រគល់ទៅក្នុងដៃរបស់ពួកមនុស្សបាប 46ចូរក្រោកឡើងយើងនាំគ្នាទៅមើល៍អ្នកក្បត់ខ្ញុំមកជិតដល់ហើយ»។ ការចាប់ខ្លួនព្រះយេស៊ូ
47កាលព្រះអង្គកំពុងមានបន្ទូលនៅឡើយនោះយូដាសជាម្នាក់ក្នុងចំណោមសាវកទាំងដប់ពីរក៏មកដល់ហើយមានបណ្ដាជនជាច្រើនប្រដាប់ដោយដាវនិងដំបងមកជាមួយគាត់ដែរអ្នកទាំងនោះមកពីខាងពួកសម្ដេចសង្ឃនិងពួកចាស់ទុំរបស់ប្រជាជន។ 48អ្នកក្បត់ព្រះអង្គម្នាក់នោះបានឲ្យសញ្ញាដល់ពួកគេដោយនិយាយថា៖ «ខ្ញុំថើបអ្នកណាគឺអ្នកនោះហើយចូរចាប់គាត់ចុះ» 49គាត់ចូលមកជិតព្រះយេស៊ូភ្លាមហើយទូលថា៖ «ជម្រាបសួរលោកគ្រូ» រួចក៏ថើប ▼▼«ថើប» ការថើបគឺជាទំនៀមទម្លាប់នៃការស្វាគមន៍គ្នារបស់ជនជាតិអ៊ីស្រាអែល ដូចជាការសំពះជំរាបសួរ នៅក្នុងប្រពៃណីខ្មែរដែរ។
ព្រះអង្គ។ 50ព្រះយេស៊ូមានបន្ទូលទៅគាត់ថា៖ «សម្លាញ់អើយ! អ្នកមកដើម្បីអ្វីចូរធ្វើចុះ» បន្ទាប់មកពួកគេក៏ចូលមកជិតហើយលូកដៃចាប់ព្រះយេស៊ូ 51នោះមានម្នាក់ក្នុងចំណោមពួកអ្នកនៅជាមួយព្រះយេស៊ូបានលូកដៃហូតដាវរបស់ខ្លួនកាប់ដាច់ត្រចៀកបាវបម្រើម្នាក់របស់សម្ដេចសង្ឃ 52ពេលនោះព្រះយេស៊ូមានបន្ទូលទៅគាត់ថា៖ «ចូរទុកដាវរបស់អ្នកទៅក្នុងកន្លែងរបស់វាវិញទៅដ្បិតអស់អ្នកដែលរើសយកដាវនឹងស្លាប់ដោយដាវ 53ឬមួយអ្នកគិតថានៅពេលនេះខ្ញុំមិនអាចសុំព្រះវរបិតារបស់ខ្ញុំឲ្យព្រះអង្គប្រទានពួកទេវតាលើសពីដប់ពីរកងដល់ខ្ញុំបានទេឬ? 54បើធ្វើដូច្នេះតើបទគម្ពីរដែលចែងថាត្រូវតែកើតឡើងដូច្នេះនឹងអាចសម្រេចបានយ៉ាងដូចម្ដេច?» 55នៅពេលនោះព្រះយេស៊ូក៏មានបន្ទូលទៅបណ្ដាជនថា៖ «តើអ្នករាល់គ្នាមកតទល់នឹងចោរឬអីបានជាមកចាប់ខ្ញុំទាំងមានដាវនិងដំបងដូច្នេះ? ខ្ញុំអង្គុយបង្រៀននៅក្នុងព្រះវិហាររាល់ថ្ងៃនោះអ្នករាល់គ្នាមិនចាប់ខ្ញុំទេ 56ប៉ុន្ដែការទាំងអស់នេះកើតឡើងដើម្បីសម្រេចតាមបទគម្ពីររបស់អ្នកនាំព្រះបន្ទូល»។ ពេលនោះពួកសិស្សក៏រត់គេចខ្លួនចោលព្រះអង្គទាំងអស់គ្នា។ ព្រះយេស៊ូនៅចំពោះមុខក្រុមព្រឹក្សាកំពូល
57ពួកអ្នកដែលចាប់ព្រះយេស៊ូក៏នាំព្រះអង្គទៅឯសម្ដេចសង្ឃកៃផាជាកន្លែងដែលពួកគ្រូវិន័យនិងពួកចាស់ទុំបានជួបជុំគ្នា។ 58លោកពេត្រុសបានដើរតាមព្រះអង្គពីចម្ងាយរហូតដល់ក្នុងផ្ទះរបស់សម្ដេចសង្ឃហើយបានចូលទៅអង្គុយជាមួយពួកអ្នកបម្រើការនៅខាងក្នុងដើម្បីមើលលទ្ធផល។ 59ពួកសម្ដេចសង្ឃនិងក្រុមប្រឹក្សាកំពូលទាំងមូលបានរកភស្ដុតាងក្លែងក្លាយប្រឆាំងព្រះយេស៊ូដើម្បីអាចសម្លាប់ព្រះអង្គបាន 60ប៉ុន្ដែពួកគេរកមិនបានសោះទោះបីមានសាក្សីក្លែងក្លាយជាច្រើនបានចូលមកក៏ដោយ។ នៅទីបំផុតក៏មានពីរនាក់បានចូលមក 61និយាយថា៖«ម្នាក់នេះបាននិយាយថាខ្ញុំអាចបំផ្លាញព្រះវិហាររបស់ព្រះជាម្ចាស់បានហើយសង់ឡើងវិញក្នុងរយៈពេលបីថ្ងៃ»។ 62សម្ដេចសង្ឃក៏ក្រោកឈរឡើងនិយាយទៅព្រះអង្គថា៖ «តើអ្នកគ្មានចម្លើយអ្វីសម្រាប់ការដែលអ្នកទាំងនេះបានចោទប្រកាន់អ្នកទេឬ?» 63ព្រះយេស៊ូនៅស្ងៀមសម្ដេចសង្ឃក៏និយាយទៅព្រះអង្គទៀតថា៖ «ខ្ញុំសូមឲ្យអ្នកស្បថនឹងព្រះជាម្ចាស់ដ៏មានព្រះជន្មរស់ចូរអ្នកប្រាប់យើងមកតើអ្នកជាព្រះគ្រិស្ដដែលជាព្រះរាជបុត្រារបស់ព្រះជាម្ចាស់មែនឬ?» 64នោះព្រះយេស៊ូមានបន្ទូលទៅគាត់ថា៖ «លោកនិយាយត្រូវហើយតែខ្ញុំប្រាប់អ្នករាល់គ្នាថាចាប់ពីពេលនេះតទៅអ្នករាល់គ្នានឹងឃើញកូនមនុស្សអង្គុយនៅខាងស្ដាំព្រះជាម្ចាស់ដ៏មានអំណាចហើយមកជាមួយពពកលើមេឃ»។ 65ពេលនោះសម្ដេចសង្ឃក៏ហែកអាវរបស់ខ្លួនរួចនិយាយថា៖ «វាប្រមាថព្រះជាម្ចាស់ហើយតើយើងនៅត្រូវការសាក្សីធ្វើអ្វីទៀត? ពេលនេះអ្នករាល់គ្នាបានស្ដាប់ឮពាក្យប្រមាថដល់ព្រះជាម្ចាស់ហើយ 66តើអ្នករាល់គ្នាគិតយ៉ាងដូចម្ដេចដែរ?» ពួកគេតបវិញថា៖ «វាសមតែស្លាប់» 67បន្ទាប់មកពួកគេស្ដោះទឹកមាត់ដាក់ព្រះ ▼▼«ព្រះភក្ត្រ» ជារាជសព្ទប្រើសម្រាប់ហៅ «មុខ»។
ភក្ដ្រព្រះអង្គដាល់ព្រះអង្គហើយទះកំផ្លៀងព្រះអង្គ 68ទាំងនិយាយថា៖ «ព្រះគ្រិស្ដអើយ! ទាយប្រាប់យើងមើល៍តើអ្នកណាវាយឯង?» លោកពេត្រុសបដិសេធព្រះយេស៊ូ
69ពេលលោកពេត្រុសកំពុងអង្គុយនៅខាងក្រៅផ្ទះមានស្រីបម្រើម្នាក់ចូលមកជិតគាត់និយាយថា៖«អ្នកក៏នៅជាមួយយេស៊ូអ្នកស្រុកកាលីឡេដែរ» 70ប៉ុន្ដែលោកពេត្រុសបដិសេធនៅចំពោះមុខមនុស្សគ្រប់គ្នាថា៖ «ខ្ញុំមិនដឹងថាអ្នកកំពុងនិយាយអំពីអ្វីទេ»។ 71ពេលចេញទៅក្រៅដល់មាត់ទ្វារមានស្រីម្នាក់ទៀតបានឃើញគាត់ក៏ប្រាប់ពួកអ្នកនៅទីនោះថា«ម្នាក់នេះក៏នៅជាមួយយេស៊ូអ្នកក្រុងណាសារ៉ែតដែរ» 72នោះលោកពេត្រុសបានបដិសេធដោយស្បថម្ដងទៀតថា៖ «ខ្ញុំមិនស្គាល់មនុស្សនោះទេ» 73បន្តិចក្រោយមកពួកអ្នកកំពុងឈរក៏ចូលមកជិតលោកពេត្រុសនិយាយថា៖ «ប្រាកដណាស់អ្នកជាម្នាក់នៅក្នុងចំណោមពួកគេដែរព្រោះសូម្បីតែសម្លេងរបស់អ្នកក៏បញ្ជាក់ច្បាស់ដែរ» 74ពេលនោះលោកពេត្រុសក៏ចាប់ផ្ដើមប្រមាថទាំងស្បថថា៖ «ខ្ញុំមិនស្គាល់មនុស្សនោះទេ» ស្រាប់តែមាន់រងាវឡើង។ 75លោកពេត្រុសក៏នឹកចាំពីព្រះបន្ទូលរបស់ព្រះយេស៊ូដែលមានបន្ទូលថា«មុនមាន់រងាវអ្នកនឹងបដិសេធខ្ញុំបីដង»។ គាត់ក៏ចេញទៅក្រៅទាំងទ្រហោយំយ៉ាងក្ដុកក្ដួល។
Copyright information for
KhmKCB