Matthew 4
អារក្សសាតាំងល្បួងព្រះយេស៊ូ
1បន្ទាប់មកព្រះវិញ្ញាណបាននាំព្រះយេស៊ូទៅទីរហោឋានឲ្យអារក្សសាតាំងល្បួង 2បន្ទាប់ពីបានតមអាហារសែសិបថ្ងៃសែសិបយប់មកព្រះអង្គឃ្លាន។ 3មេល្បួង ▼▼«មេល្បុង» សំដៅលើអារក្សសាតាំង។
ក៏ចូលមកជិតព្រះអង្គទូលថា៖ «បើអ្នកជាព្រះរាជបុត្រារបស់ព្រះជាម្ចាស់មែនចូរបង្គាប់ឲ្យថ្មទាំងនេះត្រលប់ជានំប៉័ងទៅ» 4ប៉ុន្ដែព្រះអង្គមានបន្ទូលឆ្លើយថា៖ «មានសេចក្ដីចែងទុកមកថាមនុស្សមិនរស់ដោយសារនំប៉័ងប៉ុណ្ណោះទេប៉ុន្ដែរស់ដោយសារគ្រប់ទាំងព្រះបន្ទូលដែលចេញពីព្រះ ▼▼«ព្រះឱស្ឋ» រាជស័ព្ធ ប្រើសម្រាប់ហៅ «មាត់»។
ឱស្ឋព្រះជាម្ចាស់មក ▼▼«មនុស្សមិនរស់...ព្រះជាម្ចាស់មក» សូមមើល ទុតិ ៨:៣។
»។ 5បន្ទាប់មកអារក្សសាតាំងក៏នាំព្រះអង្គទៅក្រុងបរិសុទ្ធ ▼▼«ក្រុងបរិសុទ្ធ» សំដៅលើក្រុងយេរូសាឡិម។
ហើយដាក់ព្រះអង្គនៅលើកំពូលព្រះវិហារ 6រួចទូលព្រះអង្គថា៖ «បើអ្នកជាព្រះរាជបុត្រារបស់ព្រះជាម្ចាស់មែនចូរទម្លាក់ខ្លួនទៅក្រោមទៅដ្បិតមានសេចក្ដីចែងទុកមកថាព្រះអង្គនឹងបង្គាប់ទេវតារបស់ព្រះអង្គពីដំណើរអ្នកហើយទេវតានឹងទ្រអ្នកនៅលើដៃក្រែងលោជើងអ្នកទង្គិចនឹងថ្ម ▼▼«ព្រះអង្គនឹងបង្គាប់...ទង្គិចនឹងថ្ម» អារក្សសាតាំងដកស្រង់បទគម្ពីរ ទំនុក ៩១:១១-១២។
» 7ព្រះយេស៊ូមានបន្ទូលទៅវាថា៖ «មានសេចក្ដីចែងទុកមកទៀតថាកុំល្បួងព្រះអម្ចាស់ជាព្រះរបស់អ្នកឡើយ ▼▼«កុំល្បួងព្រះអម្ចាស់...អ្នកឡើយ» សូមមើល ទុតិ ៦:១៦។
»។ 8បន្ទាប់មកអារក្សសាតាំងក៏នាំព្រះអង្គទៅលើភ្នំមួយយ៉ាងខ្ពស់រួចបង្ហាញនគរទាំងអស់នៅផែនដីនិងសិរីរុងរឿងរបស់នគរទាំងនោះដល់ព្រះអង្គ 9ហើយវាទូលព្រះអង្គថា៖ «បើអ្នកក្រាបថ្វាយបង្គំខ្ញុំខ្ញុំនឹងឲ្យរបស់ទាំងអស់នេះដល់អ្នក» 10នោះព្រះយេស៊ូមានបន្ទូលទៅវាថា៖ «អារក្សសាតាំងចេញទៅ! ដ្បិតមានសេចក្ដីចែងទុកមកថាអ្នកត្រូវថ្វាយបង្គំព្រះអម្ចាស់ជាព្រះរបស់អ្នកហើយត្រូវបម្រើព្រះអង្គតែមួយប៉ុណ្ណោះ ▼▼«អ្នកត្រូវ...តែមួយប៉ុណ្ណោះ» សូមមើល ទុតិ ៦:១៣។
» 11ដូច្នេះអារក្សសាតាំងក៏ចាកចេញពីព្រះអង្គហើយមើល៍! ពួកទេវតាក៏ចូលមកជិតនិងបម្រើព្រះអង្គ។ កិច្ចការរបស់ព្រះយេស៊ូនៅស្រុកកាលីឡេ
12កាលឮថាគេបានចាប់លោកយ៉ូហាន ▼▼«លោកយ៉ូហាន» គេហៅជាទូទៅថា «យ៉ូហានបាប់ទីស្ទ» គាត់មិនមែនជាយ៉ូហានដែលជាសាវករបស់ព្រះយេស៊ូទេ។ មាននៅក្នុង ៤:២១។
ព្រះអង្គក៏យាងទៅស្រុកកាលីឡេ។ 13ពេលចាកចេញពីក្រុងណាសារ៉ែតមកព្រះអង្គទៅរស់នៅក្នុងក្រុងកាពើណិមស្ថិតនៅជិតបឹង ▼▼«បឹង» សំដៅលើបឹងកាលីឡេ។ មាននៅក្នុង ៤:១៥,១៨។
ក្នុងស្រុកសាប់យូឡូននិងស្រុកណែបថាលី 14នោះក៏សម្រេចសេចក្ដីដែលបានថ្លែងទុកតាមរយៈលោកអេសាយជាអ្នកនាំព្រះបន្ទូលថា៖ 15«ស្រុកសាប់យូឡូននិងស្រុកណែបថាលីស្ថិតនៅតាមផ្លូវមាត់បឹងនៅឯនាយអូរយ័រដាន់ជាស្រុកកាលីឡេរបស់សាសន៍ដទៃ 16ប្រជាជនដែលអង្គុយនៅក្នុងសេចក្ដីងងឹតបានឃើញពន្លឺមួយដ៏អស្ចារ្យហើយមានពន្លឺមួយរះឡើងក្នុងចំណោមពួកអ្នកអង្គុយនៅក្នុងស្រុកនិងនៅក្នុងស្រមោលនៃសេចក្ដីស្លាប់» 17ចាប់ពីពេលនោះមកព្រះយេស៊ូចាប់ផ្ដើមប្រកាសដោយមានបន្ទូលថា៖ «ចូរប្រែចិត្ដដ្បិតនគរស្ថានសួគ៌មកជិតបង្កើយ»។ ព្រះយេស៊ូត្រាស់ហៅពួកសិស្សដំបូង
18ពេលយាងតាមមាត់បឹងកាលីឡេព្រះអង្គទតឃើញបងប្អូនពីរនាក់ជាអ្នកនេសាទគឺលោកស៊ីម៉ូនហៅពេត្រុសនិងលោកអនទ្រេជាប្អូនកំពុងបង់សំណាញ់ក្នុងបឹង 19ព្រះអង្គមានបន្ទូលទៅពួកគេថា៖ «ចូរមកតាមខ្ញុំខ្ញុំនឹងឲ្យអ្នកធ្វើជាអ្នកនេសាទមនុស្សវិញ» 20ភ្លាមនោះពួកគេក៏ទុកសំណាញ់ចោលរួចដើរតាមព្រះអង្គតែម្ដង។ 21កាលយាងហួសទីនោះបន្ដិចព្រះអង្គទតឃើញបងប្អូនពីរនាក់ទៀតគឺលោកយ៉ាកុបនិងលោកយ៉ូហានជាប្អូនដែលត្រូវជាកូនរបស់លោកសេបេដេកំពុងជួសជុលសំណាញ់ក្នុងទូកជាមួយលោកសេបេដេជាឪពុកព្រះអង្គក៏ហៅអ្នកទាំងពីរនោះ 22ភ្លាមនោះពួកគេក៏ចាកចេញពីទូកនិងឪពុករបស់ពួកគេហើយដើរតាមព្រះអង្គទៅ។ព្រះយេស៊ូបង្រៀន ព្រមទាំងធ្វើការអស្ចារ្យ
23ព្រះអង្គបានយាងទៅពាសពេញស្រុកកាលីឡេបង្រៀននៅក្នុងសាលាប្រជុំនានារបស់ពួកគេហើយប្រកាសដំណឹងល្អអំពីនគរនិងបានប្រោសជំងឺរោគាគ្រប់បែបយ៉ាងក្នុងចំណោមប្រជាជនឲ្យបានជាផង។ 24កេរ្ដិ៍ឈ្មោះរបស់ព្រះអង្គក៏ល្បីខ្ចរខ្ចាយពាសពេញស្រុកស៊ីរីគេបាននាំយកមនុស្សទាំងអស់ដែលមានជំងឺរោគាផ្សេងៗមកឯព្រះអង្គមានទាំងមនុស្សឈឺធ្ងន់មនុស្សអារក្សចូលមនុស្សឆ្កួតជ្រូកនិងមនុស្សស្លាប់ដៃជើងផងហើយព្រះអង្គបានប្រោសគេឲ្យជាទាំងអស់គ្នា។ 25បណ្ដាជនច្រើនកុះករមកពីស្រុកកាលីឡេស្រុកដេកាប៉ូលក្រុងយេរូសាឡិមស្រុកយូដានិងស្រុកនៅឯនាយអូរយ័រដាន់បានដើរតាមព្រះអង្គ។
Copyright information for
KhmKCB