Matthew 5
ព្រះយេស៊ូបង្រៀននៅលើភ្នំ
1កាលបានឃើញបណ្ដាជនព្រះអង្គក៏យាងឡើងលើភ្នំហើយអង្គុយចុះពួកសិស្សរបស់ព្រះអង្គបានចូលមកជិតព្រះអង្គ 2រួចព្រះអង្គក៏ចាប់ផ្ដើមបង្រៀនពួកគេថា៖ព្រះយេស៊ូបង្រៀនអំពីព្រះពរ
3«មានពរហើយអស់អ្នកដែលមានសេចក្ដីកម្សត់ខាងឯវិញ្ញាណ ▼▼«សេចក្ដីកម្សត់ខាងវិញ្ញាណ» មានន័យថាអ្នកបន្ទាបខ្លួននៅចំពោះព្រះជាម្ចាស់។
ដ្បិតនគរស្ថានសួគ៌ជារបស់អ្នកទាំងនោះ។ 4មានពរហើយអស់អ្នកដែលយំសោកដ្បិតអ្នកទាំងនោះនឹងទទួលការកម្សាន្ដចិត្ដ។ 5មានពរហើយអស់អ្នកដែលស្លូតត្រង់ដ្បិតអ្នកទាំងនោះនឹងបានផែនដីជាមរតក។ 6មានពរហើយអស់អ្នកដែលស្រេកឃ្លានសេចក្ដីសុចរិតដ្បិតអ្នកទាំងនោះនឹងបានឆ្អែត។ 7មានពរហើយអស់អ្នកដែលមានចិត្ដមេត្ដាដ្បិតអ្នកទាំងនោះនឹងទទួលសេចក្ដីមេត្ដា។ 8មានពរហើយអស់អ្នកមានចិត្ដបរិសុទ្ធដ្បិតអ្នកទាំងនោះនឹងបានឃើញព្រះជាម្ចាស់។ 9មានពរហើយអស់អ្នកដែលផ្សះផ្សាគេដ្បិតអ្នកទាំងនោះនឹងត្រូវបានហៅថាជាកូនរបស់ព្រះជាម្ចាស់។ 10មានពរហើយអស់អ្នកដែលត្រូវគេបៀតបៀនដោយព្រោះតែសេចក្ដីសុចរិតដ្បិតនគរស្ថានសួគ៌ជារបស់អ្នកទាំងនោះ។ 11អ្នករាល់គ្នាមានពរហើយក្នុងកាលដែលគេជេរបៀតបៀននិយាយអាក្រក់បង្ខូចអ្នករាល់គ្នាគ្រប់បែបយ៉ាងដោយព្រោះខ្ញុំ។ 12ចូរមានអំណរហើយរីករាយជាខ្លាំងឡើងដ្បិតអ្នករាល់គ្នាមានរង្វាន់ជាធំនៅឯស្ថានសួគ៌ព្រោះគេបានបៀតបៀនអ្នកនាំព្រះបន្ទូលដែលនៅមុនអ្នករាល់គ្នាបែបដូច្នោះដែរ។ ពួកអ្នកជឿជាអំបិលនិងជាពន្លឺនៃលោកិយ
13អ្នករាល់គ្នាជាអំបិលនៃផែនដីប៉ុន្ដែបើអំបិលបាត់ជាតិប្រៃតើនឹងយកអ្វីមកធ្វើឲ្យប្រៃវិញបាន? វាគ្មានប្រយោជន៍អ្វីទៀតទេមានតែបោះចោលឲ្យមនុស្សដើរជាន់ប៉ុណ្ណោះ 14អ្នករាល់គ្នាជាពន្លឺនៃលោកិយទីក្រុងដែលតាំងនៅលើភ្នំមិនអាចលាក់បាំងបានទេ 15ក៏គ្មានអ្នកណាអុជចង្កៀងដាក់នៅក្រោមថាំងដែរគឺដាក់នៅលើជើងចង្កៀងវិញដើម្បីឲ្យភ្លឺដល់មនុស្សទាំងអស់នៅក្នុងផ្ទះ។ 16ចូរឲ្យពន្លឺអ្នករាល់គ្នាភ្លឺនៅចំពោះមុខមនុស្សយ៉ាងនោះដែរដើម្បីឲ្យគេឃើញការល្អរបស់អ្នករាល់គ្នារួចសរសើរតម្កើងព្រះវរបិតារបស់អ្នករាល់គ្នាដែលគង់នៅស្ថានសួគ៌។ព្រះយេស៊ូជាអ្នកបំពេញក្រិត្យវិន័យ
17កុំគិតថាខ្ញុំមកបំផ្លាញគម្ពីរវិន័យឬពាក្យរបស់អ្នកនាំព្រះបន្ទូលឲ្យសោះខ្ញុំមិនមែនមកបំផ្លាញទេប៉ុន្ដែខ្ញុំមកធ្វើឲ្យសម្រេចវិញ 18ដ្បិតខ្ញុំប្រាប់អ្នករាល់គ្នាជាប្រាកដថារហូតដល់ផ្ទៃមេឃនិងផែនដីវិនាសទៅក៏គ្មានសញ្ញាក្បៀសឬសញ្ញាបន្តក់ណាមួយក្នុងគម្ពីរវិន័យត្រូវលុបបំបាត់ចោលដែរលុះត្រាតែអ្វីៗបានសម្រេចជាមុនសិន។ 19ដូច្នេះអ្នកណាល្មើសបញ្ញត្ដិតូចបំផុតមួយក្នុងចំណោមបញ្ញត្ដិទាំងនេះហើយបង្រៀនមនុស្សឲ្យធ្វើដូច្នោះអ្នកនោះនឹងត្រូវហៅថាជាអ្នកតូចបំផុតនៅក្នុងនគរស្ថានសួគ៌ប៉ុន្ដែអ្នកណាដែលអនុវត្ដតាមនិងបង្រៀនបញ្ញត្ដិទាំងនេះអ្នកនោះនឹងត្រូវហៅថាជាអ្នកធំនៅក្នុងនគរស្ថានសួគ៌។ 20ដ្បិតខ្ញុំប្រាប់អ្នករាល់គ្នាថាបើសេចក្ដីសុចរិតរបស់អ្នករាល់គ្នាមិនលើសសេចក្ដីសុចរិតរបស់ពួកគ្រូវិន័យនិងពួកអ្នកខាងគណៈផារិស៊ីទេនោះអ្នករាល់គ្នាមិនអាចចូលនគរស្ថានសួគ៌បានឡើយ។ព្រះយេស៊ូបង្រៀនថាការខឹងស្មើនឹងការសម្លាប់
21អ្នករាល់គ្នាបានឮសេចក្ដីដែលបានបង្គាប់ដល់មនុស្សជំនាន់មុនថាកុំសម្លាប់មនុស្សឲ្យសោះអ្នកណាសម្លាប់មនុស្សអ្នកនោះនឹងត្រូវជាប់ទោស 22ប៉ុន្ដែខ្ញុំប្រាប់អ្នករាល់គ្នាថាអស់អ្នកដែលខឹងនឹងបងប្អូនខ្លួនឯងនោះនឹងត្រូវជាប់ទោសដែរហើយអ្នកណាហៅបងប្អូនខ្លួនឯងថា«អាឡប់» អ្នកនោះនឹងត្រូវក្រុមប្រឹក្សាកំពូល ▼▼«ក្រុមប្រឹក្សាកំពូល» គឺជាតុលាការជាន់ខ្ពស់របស់សាសនាយូដា រួមមានអ្នកដឹកនាំប្រមាណចិតសិបនាក់ ដែលគ្រប់គ្រងដោយសម្ដេចសង្ឃ។
ដាក់ទោស។ អ្នកណាដែលជេរគេថា«អាឆ្កួត» អ្នកនោះនឹងត្រូវធ្លាក់ក្នុងភ្លើងនរក។ 23ដូច្នេះបើអ្នកនាំតង្វាយមកកន្លែងថ្វាយតង្វាយហើយនៅទីនោះអ្នកចាំថាបងប្អូនរបស់អ្នកមានរឿងទាស់នឹងអ្នក 24ចូរទុកតង្វាយនៅទីនោះនៅមុខកន្លែងថ្វាយតង្វាយចុះហើយទៅផ្សះផ្សានឹងបងប្អូនជាមុនសិនរួចសឹមមកថ្វាយតង្វាយរបស់អ្នកវិញ។ 25ចូរជានានឹងគូវិវាទរបស់អ្នកភ្លាមៗពេលអ្នកនៅតាមផ្លូវជាមួយអ្នកនោះក្រែងលោគេប្រគល់អ្នកឲ្យទៅចៅក្រមហើយចៅក្រមប្រគល់អ្នកឲ្យទៅនគរបាលរួចអ្នកត្រូវជាប់គុក។ 26ខ្ញុំប្រាប់អ្នកជាប្រាកដថាអ្នកចេញពីទីនោះមិនបានឡើយលុះត្រាតែអ្នកសងគេដោយឥតខ្វះមួយសេន។ ចិត្ដស្រើបស្រាលអាក្រក់ដូចការផិតក្បត់
27អ្នករាល់គ្នាបានឮសេចក្ដីដែលបានបង្គាប់មកថាកុំផិតក្បត់ឲ្យសោះ ▼▼«កុំផិត...សោះ» សូមមើល និក្ខ ២០:១៤។
28ប៉ុន្ដែខ្ញុំប្រាប់អ្នករាល់គ្នាថាអស់អ្នកដែលសម្លឹងមើលស្ដ្រីម្នាក់ដោយចិត្ដស្រើបស្រាលចង់បាននាងអ្នកនោះបានផិតក្បត់ក្នុងចិត្ដជាមួយនាងរួចទៅហើយ។ 29បើភ្នែកស្ដាំរបស់អ្នកបណ្ដាលឲ្យអ្នកប្រព្រឹត្ដបាបចូរខ្វេះវាចោលទៅដ្បិតបើអ្នកបាត់បង់អវយរៈមួយប្រសើរជាងឲ្យរូបកាយទាំងមូលត្រូវបោះទៅក្នុងស្ថាននរក។ 30បើដៃស្ដាំរបស់អ្នកបណ្ដាលឲ្យអ្នកប្រព្រឹត្ដបាបចូរកាត់វាចោលទៅដ្បិតបើអ្នកបាត់បង់អវយវៈមួយប្រសើរជាងឲ្យរូបកាយទាំងមូលធ្លាក់ទៅក្នុងស្ថាននរក។ ព្រះយេស៊ូបង្រៀនអំពីការលែងលះ
31មានសេចក្ដីដែលបានបង្គាប់មកថាអ្នកណា ▼▼«អ្នកណា...ឲ្យនាង» សូមមើល ទុតិ ២៤:១។
លែងប្រពន្ធអ្នកនោះត្រូវប្រគល់លិខិតលែងលះឲ្យនាង។ 32ប៉ុន្ដែខ្ញុំប្រាប់អ្នករាល់គ្នាថាអស់អ្នកលែងប្រពន្ធដែលពុំបានផិតក្បត់ខ្លួនអ្នកនោះធ្វើឲ្យនាងផិតក្បត់ហើយ។ អ្នកណារៀបការនឹងស្ដ្រីប្ដីលែងអ្នកនោះក៏ផិតក្បត់ដែរ។ ព្រះយេស៊ូបង្រៀនឲ្យនិយាយសេចក្ដីពិត
33មួយទៀតអ្នករាល់គ្នាបានឮសេចក្ដីដែលបានបង្គាប់ដល់មនុស្សជំនាន់មុនថាកុំ ▼▼«កុំប្រព្រឹត្ដ...ព្រះអម្ចាស់» សូមមើល ជន ៣០:២ និង ទុតិ ២៣:២១។
ប្រព្រឹត្តខុសសម្បថឲ្យសោះប៉ុន្ដែត្រូវធ្វើតាមសម្បថដែលបានស្បថចំពោះព្រះអម្ចាស់។ 34ប៉ុន្ដែខ្ញុំប្រាប់អ្នករាល់គ្នាថាកុំស្បថឲ្យសោះហើយកុំស្បថនឹងស្ថានសួគ៌ដ្បិតស្ថានសួគ៌ជាបល្ល័ង្ករបស់ព្រះជាម្ចាស់។ 35កុំស្បថនឹងផែនដីដ្បិតផែនដីជាកំណល់បាទា ▼▼«បាទា» ជារាជសព្ទប្រើសម្រាប់ហៅ «ជើង»។
របស់ព្រះអង្គ។ កុំស្បថនឹងក្រុងយេរូសាឡិមដ្បិតជាក្រុងរបស់ស្ដេចដ៏ឧត្ដម។ 36កុំស្បថនឹងក្បាលរបស់អ្នកដ្បិតអ្នកមិនអាចធ្វើឲ្យសក់មួយសសៃត្រលប់ជាពណ៌សឬខ្មៅបានឡើយ។ 37ចូរឲ្យពាក្យអ្នករាល់គ្នាមែនគឺមែនទេគឺទេប៉ុន្ដែលើសពីសេចក្ដីទាំងនេះគឺមកពីអារក្សសាតាំងទេ។ ព្រះយេស៊ូបង្រៀនកុំឲ្យសងសឹក
38អ្នករាល់គ្នាបានឮសេចក្ដីដែលបានបង្គាប់មកថាភ្នែក ▼▼«ភ្នែកសង...ធ្មេញ» សូមមើល និក្ខ ២១:២៤ លេវី ២៤:២០ និង ទុតិ ១៩:២១។
សងដោយភ្នែកធ្មេញសងដោយធ្មេញ។ 39ប៉ុន្ដែខ្ញុំប្រាប់អ្នករាល់គ្នាថាកុំតបតមនុស្សអាក្រក់បើគេទះកំផ្លៀងស្ដាំរបស់អ្នកចូរបែរម្ខាងទៀតឲ្យគេទះដែរចុះ។ 40ចំពោះអ្នកណាដែលចង់ប្ដឹងយកអាវ ▼▼«អាវក្នុង» មានសណ្ឋានជាអាវដៃខ្លី វែងត្រឹមជង្គង់ ពាក់ជាប់នឹងខ្លួន។ សូមមើលខយោងនៅក្នុង និក្ខ ២២:២៦-២៧។
ខាងក្នុងរបស់អ្នកចូរឲ្យគេទាំងអាវវែងផង។ 41អ្នកណាដែលបង្ខំអ្នកឲ្យធ្វើដំណើរមួយពាន់ជំហាន ▼▼«មួយពាន់ជំហាន» មានប្រវែងប្រហែលមួយពាន់ប្រាំរយម៉ែត្រ។ «ពីរពាន់ជំហាន» មានប្រវែងប្រហែលបីពាន់ប្រាំរយម៉ែត្រ។
ចូរទៅជាមួយគេពីរពាន់ជំហានចុះ។ 42ចូរឲ្យដល់អស់អ្នកដែលសុំហើយកុំគេចពីអស់អ្នកដែលចង់ខ្ចីឡើយ។ ព្រះយេស៊ូបង្រៀនឲ្យស្រឡាញ់សត្រូវ
43អ្នករាល់គ្នាឮសេចក្ដីដែលបានបង្គាប់មកថាចូរ ▼▼«ចូរស្រលាញ់...អ្នក» សូមមើល លេវី ១៩:១៨។
ស្រលាញ់អ្នកជិតខាងរបស់អ្នកហើយស្អប់សត្រូវរបស់អ្នក។ 44ប៉ុន្ដែខ្ញុំប្រាប់អ្នករាល់គ្នាថាចូរស្រលាញ់សត្រូវរបស់អ្នករាល់គ្នាហើយអធិស្ឋានឲ្យអស់អ្នកដែលបៀតបៀនអ្នករាល់គ្នា 45ដើម្បីឲ្យអ្នករាល់គ្នាត្រលប់ជាកូនរបស់ព្រះវរបិតាដែលគង់នៅស្ថានសួគ៌ព្រោះព្រះអង្គបានធ្វើឲ្យថ្ងៃរះឡើងបំភ្លឺទាំងមនុស្សល្អនិងមនុស្សអាក្រក់ហើយក៏បង្អុរភ្លៀងធ្លាក់មកលើទាំងមនុស្សសុចរិតនិងមនុស្សទុច្ចរិតដែរ។ 46ដ្បិតបើអ្នករាល់គ្នាស្រលាញ់មនុស្សដែលស្រលាញ់អ្នករាល់គ្នាតើអ្នករាល់គ្នាបានរង្វាន់អ្វី? សូម្បីតែអ្នកទារពន្ធដារ ▼▼«អ្នកទារពន្ធដារ» គឺជាអ្នកទារពន្ធដារលើទំនិញ ឬផលិតផលនាំចេញនាំចូលក្នុងក្រុង ឲ្យពួកអភិបាលរ៉ូម។
ក៏បានធ្វើដូច្នោះដែរ។ 47បើអ្នករាល់គ្នារាប់អានតែបងប្អូនខ្លួនឯងតើអ្នករាល់គ្នាមានអ្វីអស្ចារ្យទៅ? សូម្បីតែសាសន៍ដទៃក៏ធ្វើដូច្នោះដែរ។ 48ដូច្នេះចូរឲ្យអ្នករាល់គ្នាបានគ្រប់លក្ខណ៍ចុះដូចជាព្រះវរបិតារបស់អ្នករាល់គ្នាដែលគង់នៅស្ថានសួគ៌គ្រប់លក្ខណ៍ដូច្នោះដែរ។
Copyright information for
KhmKCB