Matthew 6
ព្រះយេស៊ូបង្រៀនអំពីការចែកទាន
1ប៉ុន្ដែចូរប្រយ័ត្នកុំបង្ហាញសេចក្ដីសុចរិតរបស់អ្នករាល់គ្នានៅមុខមនុស្សដើម្បីឲ្យតែគេឃើញប៉ុណ្ណោះបើមិនដូច្នោះទេអ្នករាល់គ្នាគ្មានរង្វាន់ពីព្រះវរបិតារបស់អ្នករាល់គ្នាដែលគង់នៅស្ថានសួគ៌នោះឡើយ។ 2ដូច្នេះពេលអ្នកចែកទានចូរកុំផ្លុំត្រែ ▼▼«ផ្លុំត្រែ» គឺជាសកម្មភាពមួយប្រកាសអួតឲ្យគេដឹងអំពីការល្អដែលខ្លួនកំពុងធ្វើ។
ដើម្បីចេញមុខដូចជាពួកមនុស្សមានពុតបានធ្វើនៅក្នុងសាលាប្រជុំនិងនៅតាមផ្លូវដើម្បីឲ្យគេសរសើរខ្លួននោះទេ។ ខ្ញុំប្រាប់អ្នករាល់គ្នាជាប្រាកដថាគេមានរង្វាន់របស់គេហើយ។ 3ប៉ុន្ដែពេលអ្នកចែកទានចូរកុំឲ្យដៃឆ្វេងរបស់អ្នកដឹងការដែលដៃស្ដាំរបស់អ្នកធ្វើឡើយ 4ដើម្បីឲ្យការចែកទានរបស់អ្នកស្ងាត់កំបាំងហើយព្រះវរបិតារបស់អ្នកដែលមើលឃើញនៅទីស្ងាត់កំបាំងនឹងប្រទានរង្វាន់ដល់អ្នក។ ព្រះយេស៊ូបង្រៀនអំពីការអធិស្ឋាន
5នៅពេលអ្នករាល់គ្នាអធិស្ឋានចូរកុំធ្វើដូចជាពួកមនុស្សមានពុតព្រោះពួកគេចូលចិត្ដឈរអធិស្ឋាននៅក្នុងសាលាប្រជុំនិងទីសាធារណៈដើម្បីឲ្យគេមើលឃើញដ្បិតខ្ញុំប្រាប់អ្នករាល់គ្នាជាប្រាកដថាគេមានរង្វាន់របស់គេហើយ 6ផ្ទុយទៅវិញពេលអ្នកអធិស្ឋានចូរទៅក្នុងបន្ទប់ស្ងាត់បិទទ្វារហើយអធិស្ឋានទៅព្រះវរបិតាដែលគង់នៅទីស្ងាត់កំបាំងនោះព្រះវរបិតាដែលទតឃើញនៅទីស្ងាត់កំបាំងនឹងប្រទានរង្វាន់ដល់អ្នក។ 7ហើយនៅពេលអធិស្ឋានចូរកុំនិយាយ ▼▼«និយាយប៉ប៉ាច់ប៉ប៉ោច» និយាយច្រំដែលៗមិនដាច់សូរ។
ប៉ប៉ាច់ប៉ប៉ោចដូចសាសន៍ដទៃព្រោះគេគិតថាព្រះរបស់គេឮសំដីដ៏ហូរហៀររបស់គេ។ 8ដូច្នេះកុំធ្វើដូចពួកគេឡើយដ្បិតព្រះវរបិតាជ្រាបពីសេចក្ដីត្រូវការរបស់អ្នករាល់គ្នាមុនអ្នករាល់គ្នាទូលសុំទៅទៀត។ 9ដូច្នេះចូរអ្នករាល់គ្នាអធិស្ឋានដូចនេះថា«ឱព្រះវរបិតានៃយើងខ្ញុំដែលគង់នៅស្ថានសួគ៌អើយ! សូមឲ្យព្រះនាមរបស់ព្រះអង្គបានបរិសុទ្ធ 10សូមឲ្យរាជ្យ ▼▼«រាជ្យ» ភាសាដើមជាពាក្យ «នគរ»។ មាននៅក្នុង ៦:១៣ ដែរ។
របស់ព្រះអង្គបានមកដល់សូមឲ្យបំណងព្រះហឫទ័យរបស់ព្រះអង្គបានសម្រេចនៅផែនដីដូចនៅស្ថានសួគ៌ដែរ។ 11សូមប្រទានអាហារប្រចាំថ្ងៃដល់យើងខ្ញុំនៅថ្ងៃនេះ។ 12សូមលើកលែងទោសកំហុសយើងខ្ញុំដូចជាយើងខ្ញុំបានលើកលែងទោសដល់អស់អ្នកដែលធ្វើខុសនឹងយើងខ្ញុំដែរ។ 13សូមកុំបណ្ដោយយើងខ្ញុំឲ្យទៅក្នុងសេចក្ដីល្បួងប៉ុន្ដែសូមប្រោសយើងខ្ញុំឲ្យរួចពីសេចក្ដីអាក្រក់ ▼▼«សេចក្ដីអាក្រក់» ឬមានន័យថា «អារក្សសាតាំង»។
វិញ[ ▼▼«ដ្បិតរាជ្យ...អាមែន» នៅក្នុងឯកសារដើមខ្លះគ្មានផ្នែកនេះទេ។
ដ្បិតរាជ្យព្រះចេស្ដានិងសិរីល្អជារបស់ព្រះអង្គនៅអស់កល្បជានិច្ចអាម៉ែន]។ 14ដ្បិតបើអ្នករាល់គ្នាលើកលែងទោសកំហុសដល់មនុស្សនោះព្រះវរបិតាដែលគង់នៅស្ថានសួគ៌នឹងលើកលែងទោសដល់អ្នករាល់គ្នាដែរ 15ប៉ុន្ដែបើអ្នករាល់គ្នាមិនលើកលែងទោសដល់មនុស្សទេនោះព្រះវរបិតារបស់អ្នករាល់គ្នាក៏មិនលើកលែងទោសកំហុសរបស់អ្នករាល់គ្នាដែរ។ ព្រះយេស៊ូបង្រៀនអំពីការតមអាហារ
16នៅពេលអ្នករាល់គ្នាតមអាហារចូរកុំធ្វើមុខក្រៀមដូចជាពួកមនុស្សមានពុតឲ្យសោះពួកគេបង្ហាញទឹកមុខស្រពោនដើម្បីឲ្យមនុស្សមើលឃើញថាពួកគេកំពុងតមអាហារ។ ខ្ញុំប្រាប់អ្នករាល់គ្នាជាប្រាកដថាពួកគេមានរង្វាន់របស់ពួកគេហើយ។ 17ដូច្នេះនៅពេលអ្នកតមអាហារចូរលុបលាង ▼▼«លុបលាងមុខ ហើយលាបប្រេងលើក្បាល» ពួកយូដាតែងរោយផេះនៅលើក្បាលនៅពេលគេតម ដើម្បីបង្ហាញអ្នកដទៃថាខ្លួនកំពុងតម។
មុខហើយលាបប្រេងលើក្បាលចុះ 18ដើម្បីកុំឲ្យអ្នកបង្ហាញដល់មនុស្សថាអ្នកកំពុងតមអាហារប៉ុន្ដែបង្ហាញដល់ព្រះវរបិតារបស់អ្នកដែលគង់នៅទីស្ងាត់កំបាំងវិញហើយព្រះវរបិតារបស់អ្នកដែលទតឃើញនៅក្នុងទីស្ងាត់កំបាំងនឹងប្រទានរង្វាន់ដល់អ្នក។ ព្រះយេស៊ូបង្រៀនអំពីទ្រព្យសម្បត្ដិនៅផែនដី
19ចូរកុំសន្សំទ្រព្យសម្បត្ដិសម្រាប់ខ្លួននៅផែនដីឲ្យសោះដ្បិតជាកន្លែងដែលមានកណ្ដៀរនិងច្រែះស៊ីបំផ្លាញហើយជាកន្លែងដែលមានចោរគាស់ទម្លាយចូលលួចផង 20ដូច្នេះចូរសន្សំទ្រព្យសម្បត្ដិសម្រាប់ខ្លួននៅស្ថានសួគ៌ដ្បិតជាកន្លែងគ្មានកណ្ដៀរគ្មានច្រែះស៊ីបំផ្លាញហើយក៏ជាកន្លែងគ្មានចោរគាស់ទម្លាយចូលលួចដែរ 21ដ្បិតទ្រព្យសម្បត្ដិរបស់អ្នកនៅកន្លែងណាចិត្ដរបស់អ្នកក៏នៅទីនោះដែរ។ 22ភ្នែកជាចង្កៀងនៃរូបកាយដូច្នេះបើភ្នែករបស់អ្នកភ្លឺល្អនោះរូបកាយរបស់អ្នកទាំងមូលនឹងភ្លឺដែរ 23ប៉ុន្ដែបើភ្នែករបស់អ្នកមិនល្អនោះរូបកាយរបស់អ្នកទាំងមូលនឹងត្រលប់ជាងងឹតសូន្យសុងហើយបើពន្លឺក្នុងខ្លួនរបស់អ្នកជាសេចក្ដីងងឹតទៅហើយចុះសេចក្ដីងងឹតនឹងទៅជាសូន្យសុងយ៉ាងណាទៅទៀត! 24គ្មានអ្នកណាអាចបម្រើចៅហ្វាយពីរបានទេដ្បិតអ្នកនោះនឹងស្អប់មួយស្រលាញ់មួយឬស្មោះត្រង់នឹងមួយហើយមើលងាយមួយទៀត។ អ្នករាល់គ្នាមិនអាចបម្រើព្រះជាម្ចាស់ផងបម្រើទ្រព្យសម្បត្ដិផងបានទេ។ព្រះយេស៊ូបង្រៀនកុំឲ្យខ្វល់ខ្វាយ
25ដូច្នេះខ្ញុំប្រាប់អ្នករាល់គ្នាថាកុំខ្វល់ខ្វាយនឹងជីវិតនិងអ្វីដែលត្រូវបរិភោគឬផឹកនោះឡើយហើយក៏កុំខ្វល់ខ្វាយនឹងរូបកាយថាត្រូវស្លៀកពាក់អ្វីដែរតើជីវិតមិនវិសេសជាងអាហារហើយរូបកាយមិនវិសេសជាងសម្លៀកបំពាក់ទេឬ? 26ចូរមើលសត្វស្លាបលើមេឃដ្បិតពួកវាមិនបានសាបព្រោះឬច្រូតកាត់ប្រមូលផលដាក់ជង្រុកទេប៉ុន្ដែព្រះវរបិតារបស់អ្នករាល់គ្នាដែលគង់នៅស្ថានសួគ៌បានចិញ្ចឹមពួកវាតើអ្នករាល់គ្នាគ្មានតម្លៃលើសពួកវាទេឬ? 27ក្នុងចំណោមអ្នករាល់គ្នាតើអ្នកដែលខ្វល់ខ្វាយអាចបន្ថែមកំពស់ខ្លួនឯងបានមួយហត្ថ ▼▼«ហត្ថ» ខ្នាតរង្វាស់ប្រវែងសម្រាប់ជាងឈើពីបុរាណ ស្មើនឹងកន្លះម៉ែត្រ។
ដែរឬទេ? 28ហេតុអ្វីបានជាអ្នករាល់គ្នាខ្វល់ខ្វាយនឹងសម្លៀកបំពាក់យ៉ាងដូច្នេះ? ចូរសង្កេតមើលផ្កាព្រៃនៅតាមវាលពួកវាដុះឡើងយ៉ាងដូចម្ដេចពួកវាមិនធ្វើការឬត្បាញរវៃអ្វីឡើយ 29ប៉ុន្ដែខ្ញុំប្រាប់អ្នករាល់គ្នាថាសូម្បីតែស្ដេចសាឡូម៉ូនដែលមានសិរីរុងរឿងគ្រប់យ៉ាងក៏ស្លៀកពាក់មិនបានស្អាតដូចជាផ្កាមួយទងក្នុងចំណោមផ្កាទាំងនេះផង។ 30បើព្រះជាម្ចាស់តុបតែងស្មៅនៅតាមវាលដែលដុះនៅថ្ងៃនេះហើយថ្ងៃស្អែកត្រូវបោះទៅក្នុងឡភ្លើងយ៉ាងនោះទៅហើយឱមនុស្សមានជំនឿតិចអើយ! តើព្រះអង្គមិនធ្វើឲ្យអ្នករាល់គ្នាវិសេសជាងនោះទេឬ? 31ដូច្នេះកុំខ្វល់ខ្វាយថាត្រូវបរិភោគអ្វីផឹកអ្វីឬស្លៀកពាក់អ្វីឡើយ 32ដ្បិតសាសន៍ដទៃស្វែងរករបស់ទាំងអស់នេះឯព្រះវរបិតាដែលគង់នៅស្ថានសួគ៌បានជ្រាបថាអ្នករាល់គ្នាក៏ត្រូវការរបស់ទាំងអស់នេះដែរ។ 33ចូរស្វែងរកនគរព្រះជាម្ចាស់និងសេចក្ដីសុចរិតរបស់ព្រះអង្គជាមុននោះព្រះជាម្ចាស់នឹងបំពេញគ្រប់សេចក្ដីត្រូវការរបស់អ្នករាល់គ្នា 34ដូច្នេះចូរកុំខ្វល់ខ្វាយពីថ្ងៃស្អែកឡើយរឿងថ្ងៃស្អែកចាំគិតថ្ងៃស្អែកដ្បិតបញ្ហាមួយថ្ងៃៗល្មមគ្រប់គ្រាន់ហើយ។
Copyright information for
KhmKCB