Matthew 9
ព្រះយេស៊ូប្រោសមនុស្សស្លាប់ដៃជើង
1កាលយាងចុះទូករួចហើយព្រះអង្គក៏ឆ្លងទៅដល់ក្រុង ▼▼«ក្រុង» សំដៅលើក្រុងកាពើណិម។
របស់ព្រះអង្គ។ 2មើល៍មានគេនាំមនុស្សស្លាប់ដៃជើងម្នាក់ដេកលើគ្រែមករកព្រះអង្គពេលព្រះយេស៊ូទតឃើញជំនឿរបស់ពួកគេព្រះអង្គក៏មានបន្ទូលទៅមនុស្សស្លាប់ដៃជើងនោះថា៖ «ចូរមានទឹកចិត្ដឡើងកូនអើយ ▼▼«កូនអើយ!» គឺជាពាក្យសម្ដែងសេចក្ដីស្រលាញ់ មិនមែនជាកូនពិតប្រាកដរបស់ព្រះយេស៊ូទេ។
! បាបរបស់អ្នកបានទទួលការលើកលែងទោសហើយ»។ 3ឯពួកគ្រូវិន័យខ្លះបាននិយាយគ្នាថា៖ «មើល៍! មនុស្សនេះនិយាយប្រមាថព្រះជាម្ចាស់ហើយ» 4កាលព្រះអង្គដឹងពីគំនិតរបស់ពួកគេក៏មានបន្ទូលថា៖ «ហេតុអ្វីអ្នករាល់គ្នាគិតអាក្រក់ក្នុងចិត្ដដូច្នេះ? 5ដ្បិតការដែលនិយាយថាបាបរបស់អ្នកបានទទួលការលើកលែងទោសហើយនិងការដែលនិយាយថាចូរក្រោកឡើងហើយដើរទៅតើមួយណាស្រួលនិយាយជាង? 6ប៉ុន្ដែដើម្បីឲ្យអ្នករាល់គ្នាដឹងថាកូនមនុស្ស ▼▼«កូនមនុស្ស» ជាងារដែលប្រើសម្រាប់តែព្រះយេស៊ូប៉ុណ្ណោះ នៅក្នុងគម្ពីរសញ្ញាថ្មី។
មានសិទ្ធិអំណាចលើកលែងទោសបាបនៅលើផែនដីនេះ»។ បន្ទាប់មកព្រះអង្គមានបន្ទូលទៅមនុស្សស្លាប់ដៃជើងថា៖ «ចូរក្រោកឡើងយកគ្រែស្នែងរបស់អ្នកទៅផ្ទះចុះ» 7គាត់ក្រោកឡើងហើយទៅផ្ទះរបស់គាត់វិញ។ 8កាលបណ្ដាជនឃើញការនេះក៏កោតខ្លាចហើយសរសើរតម្កើងព្រះជាម្ចាស់ដែលបានប្រទានសិទ្ធិអំណាចបែបនេះដល់មនុស្ស។ ព្រះយេស៊ូត្រាស់ហៅលោកម៉ាថាយ
9កាលព្រះយេស៊ូយាងចេញពីទីនោះព្រះអង្គបានឃើញបុរសម្នាក់ឈ្មោះម៉ាថាយកំពុងអង្គុយនៅកន្លែងប្រមូលពន្ធដារហើយក៏មានបន្ទូលទៅគាត់ថា៖ «ចូរមកតាមខ្ញុំ»។ គាត់ក៏ក្រោកឡើងហើយដើរតាមព្រះអង្គ។ 10ក្រោយមកពេលព្រះអង្គចូលរួមបរិភោគអាហារនៅផ្ទះរបស់លោកម៉ាថាយក៏មានពួកអ្នកទារពន្ធដារនិងពួកមនុស្សបាបជាច្រើនបានមកចូលរួមបរិភោគអាហារជាមួយព្រះយេស៊ូនិងពួកសិស្សរបស់ព្រះអង្គដែរ។ 11ពេលពួកអ្នកខាងគណៈផារិស៊ីឃើញបែបនេះក៏សួរពួកសិស្សរបស់ព្រះអង្គថា៖ «ហេតុអ្វីបានជាគ្រូរបស់អ្នករាល់គ្នាបរិភោគជាមួយពួកអ្នកទារពន្ធដារនិងពួកមនុស្សបាបដូច្នេះ?» 12ពេលព្រះអង្គស្ដាប់ឮក៏មានបន្ទូលទៅពួកគេថា៖ «មនុស្សមានសុខភាពល្អមិនត្រូវការគ្រូពេទ្យទេមានតែអ្នកជំងឺប៉ុណ្ណោះដែលត្រូវការ។ 13ចូរទៅស្វែងយល់ពីបទគម្ពីរដែលថាយើងចង់បានសេចក្ដីមេត្ដាមិនមែនយញ្ញបូជាទេ ▼▼«យើងចង់...យញ្ញបូជាទេ» សូមមើល ហូសេ ៦:៦។
តើនេះមានន័យយ៉ាងដូចម្ដេច? ព្រោះខ្ញុំមិនបានមកដើម្បីហៅមនុស្សសុចរិតទេប៉ុន្ដែហៅមនុស្សបាបវិញ»។ ព្រះយេស៊ូមានបន្ទូលអំពីការតមអាហារ
14បន្ទាប់មកសិស្សរបស់លោកយ៉ូហាន ▼▼«លោកយ៉ូហាន» គេហៅជាទូទៅថា «យ៉ូហានបាប់ទីស្ទ» គាត់មិនមែនជាយ៉ូហានដែលជាសាវករបស់ព្រះយេស៊ូទេ។
បានចូលមកជិតព្រះអង្គទូលថា៖ «ហេតុអ្វីក៏យើងខ្ញុំនិងពួកអ្នកខាងគណៈផារិស៊ីតមអាហារជាញឹកញាប់តែសិស្សរបស់លោកមិនតមអាហារដូច្នេះ?» 15ព្រះយេស៊ូមានបន្ទូលទៅគេថា៖ «តើភ្ញៀវអាចកាន់ទុក្ខបានដែរឬទេនៅពេលកូនកំលោះនៅជាមួយពួកគេនៅឡើយ? ប៉ុន្ដែនឹងមានថ្ងៃមួយមកដល់ពេលកូនកំលោះត្រូវឃ្លាតពីពួកគេទៅពេលនោះពួកគេនឹងតមអាហារ។ 16ព្រោះគ្មាននរណាយកបំណះក្រណាត់ថ្មីមកប៉ះសម្លៀកបំពាក់ចាស់ទេដ្បិតបំណះក្រណាត់ថ្មីនឹងទាញសម្លៀកបំពាក់ចាស់នោះហើយបែរជាធ្វើឲ្យរហែកលើសមុនទៅទៀត 17ក៏គ្មាននរណាច្រកស្រាទំពាំងបាយជូរថ្មីទៅក្នុងថង់ស្បែកចាស់ដែរបើធ្វើដូច្នេះថង់ស្បែកចាស់នឹងធ្លាយហើយស្រាក៏ហូរចេញមកឯថង់ស្បែកក៏ខូចខាតទៀតផ្ទុយទៅវិញត្រូវច្រកស្រាថ្មីក្នុងថង់ស្បែកថ្មីនោះទើបអាចនៅគង់វង្សបានទាំងពីរ»។ ដោយសារជំនឿព្រះយេស៊ូប្រោសឲ្យជា
18ពេលព្រះអង្គមានបន្ទូលពីសេចក្ដីទាំងនេះស្រាប់តែប្រធានសាលាប្រជុំម្នាក់បានមកថ្វាយបង្គំព្រះអង្គទូលថា៖ «កូនស្រីខ្ញុំទើបតែស្លាប់ដូច្នេះសូមលោកទៅដាក់ដៃលើនាងឲ្យរស់ឡើងវិញផង»។ 19ព្រះយេស៊ូនិងពួកសិស្សរបស់ព្រះអង្គក៏ក្រោកឡើងទៅតាមគាត់។ 20មានស្ដ្រីម្នាក់ឈឺធ្លាក់ឈាមអស់រយៈពេលដប់ពីរឆ្នាំមកហើយគាត់បានចូលមកជិតពីខាងក្រោយហើយពាល់រំយោលអាវ ▼▼«រំយោលអាវ» អ្នកកាន់សាសនាយូដាពាក់រំយោលអាវនេះនៅជាយអាវរបស់ពួកគេ ដែលជាសញ្ញាបញ្ជាក់ពីភាពប្តូរផ្តាច់ចំពោះព្រះជាម្ចាស់។
របស់ព្រះអង្គ 21ដ្បិតស្ដ្រីនោះគិតក្នុងចិត្ដថា៖ «បើខ្ញុំគ្រាន់តែបានពាល់អាវរបស់លោកនោះខ្ញុំនឹងជាសះស្បើយមិនខាន»។ 22ព្រះយេស៊ូក៏ងាកមើលស្ដ្រីនោះហើយមានបន្ទូលថា៖ «កូនស្រីអើយ ▼▼«កូនស្រីអើយ!» សូមមើលកំណត់ចំណាំក្នុង ៩:២។
! ចូររីករាយឡើងជំនឿរបស់អ្នកបានធ្វើឲ្យអ្នកជាសះស្បើយហើយ»។ ស្ដ្រីនោះក៏ជាសះស្បើយនៅវេលានោះឯង។ 23កាលព្រះយេស៊ូយាងចូលក្នុងផ្ទះរបស់ប្រធានសាលាប្រជុំក៏មើលឃើញអ្នកផ្លុំខ្លុយនិងបណ្ដាជនកំពុងច្របូកច្របល់។ 24ព្រះអង្គមានបន្ទូលថា៖ «ចេញទៅក្មេងស្រីនេះមិនទាន់ស្លាប់ទេគឺនាងកំពុងដេកលក់ទេតើ» ពួកគេក៏សើចចំអកឲ្យព្រះអង្គ។ 25ពេលបណ្ដេញបណ្ដាជនទៅក្រៅអស់ហើយព្រះអង្គក៏យាងចូលទៅចាប់ដៃក្មេងស្រីនោះហើយនាងក៏ក្រោកឡើង។ 26ដំណឹងនេះបានឮសុសសាយពាសពេញតំបន់នោះ។ ព្រះយេស៊ូប្រោសមនុស្សខ្វាក់
27កាលព្រះយេស៊ូយាងចេញឆ្ងាយពីទីនោះមានបុរសខ្វាក់ភ្នែកពីរនាក់ដើរតាមព្រះអង្គទាំងស្រែកថា៖ «ឱពូជពង្សដាវីឌ ▼▼«ពូជពង្សដាវីឌ» ជាឈ្មោះដែលពួកយូដាប្រើសម្រាប់ព្រះសង្គ្រោះ ដែលព្រះជាម្ចាស់បានសន្យាថា ជាតំណវង្ស និងជាអ្នកស្នងរាជ្យរបស់ស្តេចដាវីឌ។
អើយ! សូមមេត្ដាដល់យើងខ្ញុំផង»។ 28ពេលយាងចូលដល់ក្នុងផ្ទះបុរសខ្វាក់ភ្នែកទាំងពីរនាក់បានចូលមកជិតព្រះអង្គហើយព្រះយេស៊ូមានបន្ទូលទៅពួកគេថា៖ «តើអ្នកទាំងពីរជឿថាខ្ញុំអាចធ្វើការនេះបានដែរឬទេ?» ពួកគេទូលថា៖ «បាទលោកម្ចាស់» 29បន្ទាប់មកព្រះអង្គក៏ពាល់ភ្នែករបស់ពួកគេដោយមានបន្ទូលថា៖ «សូមឲ្យបានសម្រេចតាមជំនឿរបស់អ្នកទាំងពីរចុះ» 30ភ្នែករបស់ពួកគេក៏ភ្លឺឡើងរួចព្រះយេស៊ូមានបន្ទូលហាមពួកគេយ៉ាងម៉ឺងម៉ាត់ថា៖ «ចូរប្រយ័ត្ន! កុំឲ្យនរណាម្នាក់ដឹងឲ្យសោះ» 31ប៉ុន្ដែពេលអ្នកទាំងពីរនោះចេញទៅក៏ផ្សព្វផ្សាយប្រាប់គេពីព្រះអង្គពាសពេញតំបន់នោះទាំងមូល។ ការបណ្ដេញអារក្សដែលធ្វើឲ្យមនុស្សគ
32ពេលអ្នកទាំងពីរនោះកំពុងចេញទៅមើល៍មានគេនាំយកមនុស្សគម្នាក់ដែលមានអារក្សចូលមករកព្រះអង្គ 33ព្រះអង្គក៏បណ្ដេញអារក្សនោះចេញឯមនុស្សគក៏អាចនិយាយបានវិញហើយបណ្ដាជនក៏នឹកអស្ចារ្យដោយនិយាយថា៖ «នៅអ៊ីស្រាអែលពុំដែលកើតមានហេតុការណ៍ដូច្នេះសោះ» 34ប៉ុន្ដែពួកអ្នកខាងគណៈផារិស៊ីបាននិយាយថា៖ «ម្នាក់នេះបណ្ដេញអារក្សដោយសារមេអារក្សទេ»។ព្រះយេស៊ូមានបន្ទូលថាត្រូវការអ្នកច្រូតថែម
35ព្រះយេស៊ូយាងទៅគ្រប់ក្រុងនិងភូមិទាំងអស់បង្រៀននៅក្នុងសាលាប្រជុំរបស់ពួកគេហើយបានប្រកាសដំណឹងល្អអំពីនគរព្រះជាម្ចាស់ព្រមទាំងប្រោសជំងឺរោគាគ្រប់បែបយ៉ាងឲ្យបានជា។ 36ពេលឃើញបណ្ដាជនព្រះអង្គអាណិតអាសូរពួកគេពន់ពេកព្រោះពួកគេខ្ចាត់ព្រាត់និងល្វើយដូចជាចៀមគ្មានអ្នកគង្វាល។ 37បន្ទាប់មកព្រះអង្គមានបន្ទូលទៅសិស្សរបស់ព្រះអង្គថា៖ «ចម្រូតធំណាស់ប៉ុន្ដែពួកអ្នកច្រូតមានតិច 38ដូច្នេះចូរទូលសុំព្រះអម្ចាស់នៃចម្រូតដើម្បីឲ្យព្រះអង្គចាត់ពួកអ្នកច្រូតមកក្នុងចម្រូតរបស់ព្រះអង្គ»។
Copyright information for
KhmKCB