Revelation of John 19
1ក្រោយពីហេតុការណ៍ទាំងនេះខ្ញុំបានឮដូចជាសំឡេងយ៉ាងខ្លាំងរបស់មនុស្សជាច្រើននៅស្ថានសួគ៌បន្លឺឡើងថា៖ «ហាលេលូយ៉ា! សេចក្ដីសង្គ្រោះសិរីរុងរឿងនិងអំណាចជារបស់ព្រះជាម្ចាស់នៃយើង 2ដ្បិតការជំនុំជម្រះរបស់ព្រះអង្គពិតត្រង់ហើយសុចរិតពីព្រោះព្រះអង្គបានជំនុំជម្រះស្រ្ដីពេស្យាដ៏ល្បីអសោចដែលបានបំផ្លាញផែនដីដោយសារអំពើអសីលធម៌ខាងផ្លូវភេទរបស់នាងហើយព្រះអង្គក៏បានសងសឹកឲ្យឈាមរបស់ពួកបាវបម្រើរបស់ព្រះអង្គដែលបានស្លាប់ដោយសារដៃរបស់នាងដែរ»។ 3ពួកគេក៏បន្លឺឡើងម្ដងទៀតថា៖ «ហាលេលូយ៉ា! ផ្សែងហុយឡើងពីនាងអស់កល្បជានិច្ច» 4នោះពួកចាស់ទុំទាំងម្ភៃបួននាក់និងសត្វមានជីវិតទាំងបួនក៏ក្រាបចុះហើយថ្វាយបង្គំព្រះជាម្ចាស់ដែលគង់លើបល្ល័ង្កទាំងនិយាយថា៖ «អាម៉ែនហាលេលូយ៉ា!» 5ហើយមានសំឡេងមួយចេញពីបល្ល័ង្កមកថា៖ «ឱអស់អ្នកដែលជាបាវបម្រើរបស់ព្រះអង្គនិងពួកអ្នកដែលកោតខ្លាចព្រះអង្គទាំងតូចទាំងធំអើយ! ចូរសរសើរព្រះជាម្ចាស់នៃយើងចុះ!» 6ខ្ញុំបានឮសំឡេងដូចជាសំឡេងរបស់មនុស្សជាច្រើនហើយដូចជាសំឡេងទឹកជាច្រើននិងដូចជាសំឡេងផ្គរលាន់យ៉ាងខ្លាំងបន្លឺឡើងថា៖ «ហាលេលូយ៉ា! ដ្បិតព្រះអម្ចាស់ជាព្រះរបស់យើងជាព្រះដ៏មានព្រះចេស្ដាលើអ្វីៗទាំងអស់បានសោយរាជ្យហើយ 7ចូរយើងត្រេកអរហើយរីករាយជាខ្លាំងចុះរួចថ្វាយសិរីរុងរឿងដល់ព្រះអង្គដ្បិតដល់ពេលរៀបមង្គលការកូនចៀមហើយរីឯកូនក្រមុំរបស់ព្រះអង្គក៏បានរៀបចំខ្លួនរួចជាស្រេចហើយដែរ 8កូនក្រមុំបានទទួលការអនុញ្ញាតឲ្យស្លៀកសម្លៀកបំពាក់ក្រណាត់ទេសឯកប្រណិតយ៉ាងស្អាតហើយភ្លឺដ្បិតសម្លៀកបំពាក់ក្រណាត់ទេសឯកប្រណិតនោះជាសេចក្ដីសុចរិតរបស់ពួកបរិសុទ្ធ»។ 9ទេវតាក៏និយាយមកខ្ញុំថា៖ «ចូរសរសេរដូច្នេះថាមានពរហើយអស់អ្នកដែលត្រូវបានហៅឲ្យមកចូលរួមពីធីជប់លៀងមង្គលការរបស់កូនចៀម» ទេវតានោះក៏និយាយមកខ្ញុំទៀតថា៖ «សេចក្ដីទាំងនេះជាព្រះបន្ទូលដ៏ពិតរបស់ព្រះជាម្ចាស់»។ 10ពេលនោះខ្ញុំក៏ក្រាបចុះនៅទៀបជើងរបស់ទេវតានោះដើម្បីថ្វាយបង្គំប៉ុន្ដែទេវតានោះនិយាយមកខ្ញុំថា៖ «កុំធ្វើដូច្នេះឡើយខ្ញុំជាបាវបម្រើរួមការងារជាមួយអ្នកនិងរួមជាមួយបងប្អូនរបស់អ្នកដែលមានសេចក្ដីបន្ទាល់របស់ព្រះយេស៊ូដែរចូរថ្វាយបង្គំព្រះជាម្ចាស់វិញដ្បិតសេចក្ដីបន្ទាល់របស់ព្រះយេស៊ូជាវិញ្ញាណនៃការថ្លែងព្រះបន្ទូល»។ 11ខ្ញុំក៏បានឃើញមេឃបើកចំហហើយមើល៍មានសេះសមួយព្រះអង្គដែលគង់លើវាមានព្រះនាមថាស្មោះត្រង់ហើយពិតត្រង់។ ព្រះអង្គជំនុំជម្រះនិងច្បាំងដោយសុចរិត។ 12ព្រះនេត្ររបស់ព្រះអង្គដូចជាអណ្ដាតភ្លើងហើយនៅលើព្រះសិររបស់ព្រះអង្គមានមកុដជាច្រើនព្រះអង្គមានព្រះនាមមួយដែលបានសរសេរទុកហើយគ្មាននរណាស្គាល់ឡើយលើកលែងតែព្រះអង្គប៉ុណ្ណោះ 13ព្រះអង្គស្លៀកសម្លៀកបំពាក់ដែលប្រឡាក់ឈាមហើយគេហៅព្រះនាមព្រះអង្គថា«ព្រះបន្ទូលរបស់ព្រះជាម្ចាស់» 14រីឯកងទ័ពនៅស្ថានសួគ៌ដែលស្លៀកសម្លៀកបំពាក់ក្រណាត់ទេសឯកប្រណិតសស្អាតបានជិះសេះសតាមព្រះអង្គ។ 15មានដាវមួយយ៉ាងមុតចេញពីព្រះឱស្ឋរបស់ព្រះអង្គមកដើម្បីឲ្យព្រះអង្គប្រហារជនជាតិទាំងឡាយដោយសារដាវនោះហើយព្រះអង្គនឹងគ្រប់គ្រងពួកគេដោយដំបងដែកព្រះអង្គក៏ជាន់ក្នុងកន្លែងបញ្ជាន់ផ្លែទំពាំងបាយជូរនៃសេចក្ដីក្រោធយ៉ាងខ្លាំងរបស់ព្រះជាម្ចាស់ជាព្រះដ៏មានព្រះចេស្ដាលើអ្វីៗទាំងអស់។ 16ព្រះអង្គមានព្រះនាមសរសេរនៅលើអាវនិងនៅលើភ្លៅរបស់ព្រះអង្គថា«ស្ដេចលើអស់ទាំងស្ដេចព្រះអម្ចាស់លើអស់ទាំងព្រះអម្ចាស់»។ 17ខ្ញុំបានឃើញទេវតាមួយរូបឈរនៅក្នុងព្រះអាទិត្យហើយស្រែកឡើងដោយសំឡេងយ៉ាងខ្លាំងប្រាប់ដល់សត្វស្លាបទាំងអស់ដែលហើរនៅកណ្ដាលអាកាសថា៖ «ចូលមកចូរប្រមូលគ្នាមកចូលរួមពិធីជប់លៀងដ៏ធំរបស់ព្រះជាម្ចាស់ 18ដើម្បីឲ្យពួកឯងស៊ីសាច់ពួកស្ដេចសាច់ពួកមេទ័ពសាច់ពួកអ្នកខ្លាំងពូកែសាច់សេះនិងសាច់ពួកអ្នកជិះសេះព្រមទាំងសាច់មនុស្សទាំងអស់ទាំងអ្នកមានសេរីភាពទាំងបាវបម្រើទាំងតូចទាំងធំ»។ 19ខ្ញុំក៏ឃើញសត្វសាហាវនិងពួកស្ដេចនៅលើផែនដីព្រមទាំងកងទ័ពរបស់ពួកគេប្រមូលគ្នាមកច្បាំងនឹងព្រះអង្គដែលគង់លើសេះហើយនឹងកងទ័ពរបស់ព្រះអង្គ។ 20សត្វសាហាវនោះត្រូវចាប់បានជាមួយនឹងអ្នកនាំព្រះបន្ទូលក្លែងក្លាយដែលធ្វើទីសំគាល់នៅមុខវាហើយដោយសារទីសំគាល់ទាំងនោះវាបានបោកបញ្ឆោតអស់អ្នកដែលទទួលសញ្ញាសំគាល់របស់សត្វសាហាវនោះនិងអស់អ្នកដែលថ្វាយបង្គំរូបចម្លាក់របស់សត្វសាហាវនោះ។ ពួកវាទាំងពីរត្រូវបានបោះទាំងរស់ទៅក្នុងបឹងភ្លើងដែលឆេះដោយស្ពាន់ធ័រ 21ហើយអ្នកឯទៀតក៏ត្រូវស្លាប់ដោយសារដាវដែលចេញពីព្រះឱស្ឋរបស់ព្រះអង្គដែលគង់លើសេះ។ សត្វស្លាបទាំងអស់ក៏ឆ្អែតស្កប់ស្កល់ដោយសារសាច់ពួកអ្នកទាំងនោះ។
Copyright information for
KhmKCB