Titus 3
1ចូររំឭកពួកគេឲ្យចុះចូលនឹងពួកអ្នកដឹកនាំចុះចូលនឹងពួកអាជ្ញាធរហើយឲ្យស្ដាប់បង្គាប់ព្រមទាំងប្រុងប្រៀបខ្លួនជាស្រេចសម្រាប់ការល្អគ្រប់បែបយ៉ាង 2មិនត្រូវនិយាយបង្ខូចអ្នកណាម្នាក់ឬរករឿងឈ្លោះប្រកែកឡើយត្រូវមានចិត្តស្លូតបូតទាំងបង្ហាញចិត្ដសុភាពគ្រប់បែបយ៉ាងដល់មនុស្សទាំងអស់។ 3ដ្បិតកាលពីដើមយើងក៏ជាមនុស្សល្ងង់ខ្លៅមិនស្ដាប់បង្គាប់ចាញ់ការបោកបញ្ឆោតហើយបម្រើសេចក្ដីប៉ងប្រាថ្នានិងសេចក្ដីស្រើបស្រាលផ្សេងៗទាំងរស់នៅក្នុងសេចក្ដីអាក្រក់និងសេចក្ដីឈ្នានីសជាមនុស្សគួរឲ្យស្អប់ខ្ពើមព្រមទាំងស្អប់គ្នាទៅវិញទៅមកទៀតផង។ 4ប៉ុន្តែនៅពេលដែលសេចក្ដីសប្បុរសរបស់ព្រះជាម្ចាស់ជាព្រះអង្គសង្គ្រោះនៃយើងនិងសេចក្ដីស្រលាញ់របស់ព្រះអង្គចំពោះមនុស្សបានលេចមក 5នោះព្រះអង្គបានសង្គ្រោះយើងមិនមែនដោយព្រោះកិច្ចការដ៏សុចរិតដែលយើងប្រព្រឹត្តទេគឺដោយព្រោះតែសេចក្ដីមេត្តាករុណារបស់ព្រះអង្គវិញតាមរយៈការលាងសម្អាតដែលឲ្យយើងកើតជាថ្មីនិងផ្លាស់ប្រែជាថ្មីតាមរយៈព្រះវិញ្ញាណបរិសុទ្ធ 6ហើយព្រះអង្គបានចាក់បង្ហូរព្រះវិញ្ញាណបរិសុទ្ធនេះមកលើយើងយ៉ាងបរិបូរតាមរយៈព្រះយេស៊ូគ្រិស្ដជាព្រះអង្គសង្គ្រោះរបស់យើង 7ដើម្បីនៅពេលយើងត្រូវបានរាប់ជាសុចរិតដោយសារព្រះគុណរបស់ព្រះអង្គរួចហើយនោះយើងនឹងត្រលប់ជាអ្នកស្នងមរតកស្របតាមសេចក្ដីសង្ឃឹមលើជីវិតអស់កល្បជានិច្ច។ 8ពាក្យនេះគួរឲ្យជឿហើយខ្ញុំចង់ឲ្យអ្នកបញ្ជាក់សេចក្ដីនេះឲ្យបានច្បាស់លាស់ដើម្បីឲ្យពួកអ្នកដែលជឿលើព្រះជាម្ចាស់ខិតខំយកចិត្ដទុកដាក់ចំពោះការប្រព្រឹត្ដិល្អ។ ការទាំងនេះជាការប្រសើរនិងមានប្រយោជន៍ដល់មនុស្ស។ 9ចូរចៀសចេញពីការសួរដេញដោលដ៏ល្ងង់ខ្លៅនិងពីបញ្ជីវង្សត្រកូលការឈ្លោះប្រកែកនិងជម្លោះអំពីគម្ពីរវិន័យដ្បិតការទាំងនោះជាការឥតប្រយោជន៍ហើយគ្មានបានការអ្វីទាំងអស់។ 10ចំពោះមនុស្សដែលបង្កើតបក្សពួកចូរកុំទទួលស្គាល់អ្នកនោះឲ្យសោះក្រោយពីបានព្រមានគេម្ដងពីរដងហើយនោះ 11ដោយដឹងថាមនុស្សបែបនេះអាក្រក់អស់ហើយគេចេះតែធ្វើបាបព្រមទាំងជាអ្នកដាក់ទោសខ្លួនឯងទៀតផង។ 12នៅពេលខ្ញុំចាត់លោកអើតេម៉ាសឬលោកទីឃីកុសឲ្យមកឯអ្នកចូរព្យាយាមមកឯខ្ញុំនៅក្រុងនីកូប៉ូលដ្បិតខ្ញុំសម្រេចចិត្តថាស្នាក់នៅទីនោះក្នុងរដូវរងា។ 13ចូរខិតខំជួយលោកសេណាសជាមេធាវីនិងលោកអ័ប៉ុឡូសឲ្យបន្តដំណើរទៅមុខទៀតកុំឲ្យពួកគេខ្វះអ្វីឡើយ។ 14ត្រូវឲ្យបងប្អូនយើងខឹតខំធ្វើការល្អផងសម្រាប់បំពេញសេចក្ដីត្រូវការចាំបាច់ទាំងឡាយដើម្បីកុំឲ្យត្រលប់ជាមនុស្សមិនបង្កើតផលឡើយ។ 15បងប្អូនទាំងអស់ដែលនៅជាមួយខ្ញុំក៏ជម្រាបសួរមកអ្នកដែរ។ ចូរជម្រាបសួរដល់ពួកអ្នករួមជំនឿដែលស្រលាញ់យើងផង។ សូមឲ្យអ្នកទាំងអស់គ្នាបានប្រកបដោយព្រះគុណ៕
Copyright information for
KhmKCB