Luk 2:1-7 | KjhHMNT | STEP | Ол кӱннерде Рим хағаны Август позының чиріндегі прай кізілерні, санға алып, пічікке кир саларға чахығ сығарыбысхан.

‏ Luke 2:1-7

Иисус Христостың тӧреені

(Мф 1:18-24)

1 Ол кӱннерде Рим хағаны Август позының чиріндегі прай кізілерні, санға алып, пічікке кир саларға чахығ сығарыбысхан. 2 Пу пастағы санағ Квириний Сирийнің пигі полчатхан туста иртірілген. 3 Полған на кізі позының тӧреен саарынзар пічікке пазынарға парған. 4 Иосиф, Давид тӧлінең паза сӧӧгінең полғаннаңар, Галилей чиріндегі Назарет тіп саардаң сығып, позының чирінзер, Иудей чирінзер, Давидтің Вифлеем тіп саарынзар парған. 5 Иосиф ол саарзар алызарға молҷасхан Мариянаң хада пічікке пазын саларға парған. Мария ол туста азах аар чӧрчеткен. 6 Олар Вифлеемде полчатхан туста Марияның пала табар тузы чит килген. 7 Хонҷаң турада орын чох полғаннаңар, Мария Тун Оолғын, тӧрідіп, сӱбӱректерге ораап алып, малға от салҷаң кӧлбее сал салған.